|    Jan 18 Wed, 2017 11:47 pm
FLASH NEWS

ഫലസ്തീനി സഹോദരങ്ങളെ ഇസ്രായേലി സൈന്യം വെടിവച്ചുകൊന്നു

Published : 28th April 2016 | Posted By: SMR

ജെറുസലേം: ഫലസ്തീന്‍കാരായ സഹോദരങ്ങളെ ഇസ്രായേലി സൈന്യം വെടിവച്ചുകൊന്നു. മറാം സാലെഹ് ഹസ്സന്‍ അബു ഇസ്മയില്‍ (23), സഹോദരന്‍ ഇബ്രാഹീം(16) എന്നിവരാണ് മരിച്ചത്.
കിഴക്കന്‍ ജെറുസലേമിനും വെസ്റ്റ് ബാങ്ക് നഗരം റാമല്ലയ്ക്കുമിടയിലെ ഖലന്ദിയ ചെക്‌പോസ്റ്റിലെ സൈനികരെ ആക്രമിക്കാന്‍ ശ്രമിച്ചതിനെത്തുടര്‍ന്നാണ് ഇവര്‍ക്കെതിരേ വെടിയുതിര്‍ത്തതെന്നാണ് ഇസ്രായേല്‍ സൈന്യത്തിന്റെ വിശദീകരണം. കത്തിയുമായി ചെക്‌പോസ്റ്റിലെത്തിയ യുവതി സൈനികരെ കുത്തിക്കൊലപ്പെടുത്താന്‍ ശ്രമിച്ചുവെന്ന് ഇസ്രായേലി പോലിസ് ഉദ്യോഗസ്ഥര്‍ പറഞ്ഞു. കഴിഞ്ഞ ആറുമാസത്തിനിടെ 209ലധികം ഫലസ്തീന്‍കാരെയാണ് ആക്രമികളെന്നാരോപിച്ച് ഇസ്രായേല്‍ സൈന്യവും അനധികൃത കുടിയേറ്റക്കാരും കൊലപ്പെടുത്തിയത്. ഇത്തരം സംഭവങ്ങളില്‍ ഇസ്രായേലി സൈന്യം നിയമത്തെ മറികടന്നുള്ള വധശിക്ഷ നടപ്പാക്കുകയാണെന്ന് ഗസ ആസ്ഥാനമായ യൂറോ മെഡിറ്ററേനിയന്‍ ഹ്യൂമന്‍ റൈറ്റ്‌സ് മോണിറ്ററിന്റെ ഡയരക്ടര്‍ റാമി അബു പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 129 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക