|    Sep 23 Sat, 2017 6:10 pm
FLASH NEWS
Home   >  Todays Paper  >  page 9  >  

ഫലസ്തീനികളുടെ വീടുകള്‍ ഇസ്രായേല്‍ സൈന്യം തകര്‍ത്തു

Published : 5th April 2016 | Posted By: SMR

വെസ്റ്റ്ബാങ്ക്: ഫെബ്രുവരിയില്‍ കിഴക്കന്‍ ജെറുസലേമിലെ സംഘര്‍ഷത്തില്‍ കൊല്ലപ്പെട്ട മൂന്ന് ഫലസ്തീനികളുടെ കുടുംബങ്ങള്‍ താമസിക്കുന്ന വീടുകള്‍ ഇസ്രായേല്‍ സൈന്യം തകര്‍ത്തതായി ഫലസ്തീന്‍ സുരക്ഷാവൃത്തങ്ങളും ഇസ്രായേലി സൈനികരും അറിയിച്ചു. വടക്കന്‍ വെസ്റ്റ്ബാങ്കിലെ ഖബാതിയയിലാണു സംഭവം. അഹ്മദ് നാജെ ഇസ്മായീല്‍ നാസര്‍, മുഹമ്മദ് അഹ്മദ് മെയ്ല്‍, അഹ്മദ് നാജെ അബു അല്‍-റൂബ് എന്നിവരുടെ വീടുകളാണ് സൈന്യം തകര്‍ത്തത്. ഇതിനിടെ സൈന്യവുമായുണ്ടായ ഏറ്റുമുട്ടലില്‍ രണ്ട് ഫലസ്തീനികള്‍ക്കു പരിക്കേല്‍ക്കുകയും ചെയ്തു.
യുഎന്നും സംഭവം സ്ഥിരീകരിച്ചിട്ടുണ്ട്. എന്നാല്‍ എത്രത്തോളം പേര്‍ ഭവനരഹിതരായെന്ന കാര്യം വ്യക്തമല്ല. തങ്ങള്‍ക്കെതിരേ ശബ്ദമുയര്‍ത്തുന്നവരുടെ ബന്ധുക്കളെയടക്കം ആക്രമിക്കുന്നത് ഇസ്രായേല്‍ സൈന്യത്തിന്റെ സ്ഥിരം നടപടിയാണെന്നു മനുഷ്യാവകാശപ്രവര്‍ത്തകര്‍ ആരോപിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക