|    Oct 22 Mon, 2018 12:44 pm
FLASH NEWS
Home   >  Todays Paper  >  page 7  >  

പൗരത്വപട്ടികയില്‍ പേരില്ലാത്തവരെ പുറത്താക്കില്ലെന്ന് ഉറപ്പ് ലഭിച്ചതായി ബംഗ്ലാദേശ്

Published : 5th October 2018 | Posted By: kasim kzm

ന്യൂഡല്‍ഹി: അസമിലെ ദേശീയ പൗരത്വ രജിസ്റ്ററില്‍ (എന്‍ആര്‍സി) പേര് ഉള്‍പ്പെടാത്തവരെ ഇന്ത്യയില്‍ നിന്ന് പുറത്താക്കില്ലെന്ന് പ്രധാനമന്ത്രി നരേന്ദ്രമോദിയുടെ ഉറപ്പ് ലഭിച്ചതായി ബംഗ്ലാദേശ്. ബംഗ്ലാദേശ് പ്രധാനമന്ത്രി ശെയ്ഖ് ഹസീനയുടെ രാഷ്ട്രീയകാര്യ ഉപദേശകന്‍ ഹുസയ്ന്‍ തൗഫീഖ് ഇമാം ആണ് ഇക്കാര്യം വെളിപ്പെടുത്തിയത്. ശെയ്ഖ് ഹസീനയ്ക്ക് നരേന്ദ്രമോദി വ്യക്തിപരമായി ഉറപ്പു കൈമാറിയെന്ന് രാജ്യാന്തര മാധ്യമപ്രതിനിധികളുമായുള്ള അഭിമുഖത്തില്‍ ഹുസയ്ന്‍ പറഞ്ഞു. ഉറപ്പു സംബന്ധിച്ച വിശദാംശങ്ങള്‍ അദ്ദേഹം വെളിപ്പെടുത്തിയില്ല. ഇന്ത്യാ വിഭജനമുണ്ടായ 1947ലെ സവിശേഷ സാഹചര്യങ്ങളില്‍ രാഷ്ട്രീയ, സാമൂഹിക രംഗത്തെ ഉന്നത പദവികളിലിരുന്നവര്‍ തന്നെ ഇന്ത്യയിലേക്കു പോയിട്ടുണ്ട്. അവരെയെല്ലാം ഇപ്പോള്‍ ഇവിടെ കുടിയിരുത്തുകയെന്നത് അസാധ്യമാണെന്നും ഹുസയ്ന്‍ കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss