|    Mar 30 Thu, 2017 8:08 am

പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസ്: പള്ളി വികാരി കീഴടങ്ങി

Published : 9th December 2015 | Posted By: SMR

പറവൂര്‍: പ്രായപൂര്‍ത്തിയാവാത്ത പെണ്‍കുട്ടിയെ പള്ളിമേടയില്‍ വച്ച് പീഡിപ്പിച്ച കേസില്‍ ഒളിവില്‍ കഴിയുകയായിരുന്ന പള്ളി വികാരി ഫാ. എഡ്‌വിന്‍ ഫിഗറസ്(45) പോലിസില്‍ കീഴടങ്ങി. ഇന്നലെ രാവിലെ ആലുവ ഡിവൈഎസ്പി പി പി ഷംസ് മുമ്പാകെയായിരുന്നു കീഴടങ്ങിയത്. ഡിവൈഎസ്പി ഓഫിസില്‍ ചോദ്യംചെയ്ത ശേഷം പ്രതിയെ കേസന്വേഷിക്കുന്ന വടക്കേക്കര സിഐക്കു കൈമാറി.
പുത്തന്‍വേലിക്കര പറങ്കിനാട്ടിയ കുരിശ് ലൂര്‍ദ് മാതാ പള്ളി വികാരിയായിരിക്കെയാണ് കേസിനാസ്പദമായ സംഭവം നടന്നത്. വേദപഠനത്തിനു പള്ളിയിലെത്തിയ ഒമ്പതാം ക്ലാസ് വിദ്യാര്‍ഥിനിയെ ഫാ. എഡ്‌വിന്‍ ഫിഗറസ് പീഡിപ്പിച്ചുവെന്ന് കാട്ടി ഏപ്രില്‍ ഒന്നിന് പെണ്‍കുട്ടിയുടെ അമ്മ പോലിസില്‍ പരാതി നല്‍കിയിരുന്നു. ഇതോടെയാണ് പീഡനവിവരം പുറംലോകം അറിയുന്നത്. പരാതിയെ തുടര്‍ന്ന് പോലിസ് അന്വേഷണം സജീവമായതോടെ വികാരി ഒളിവില്‍ പോയി. ബംഗളൂരുവില്‍ ഒളിവില്‍ കഴിഞ്ഞ വികാരി ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയിരുന്നു.
തുടര്‍ന്ന് മെയ് അഞ്ചുവരെ വികാരിയെ അറസ്റ്റ് ചെയ്യരുതെന്ന് ഹൈക്കോടതി ഉത്തരവുണ്ടായി. ഇതിനുശേഷം സുപ്രിംകോടതിയെ സമീപിച്ചെങ്കിലും കോടതി ഇദ്ദേഹത്തിന്റെ ആവശ്യം നിരാകരിച്ചു. ഇതോടെ വീണ്ടും ഒളിവില്‍ പോയ വികാരി ഇന്നലെ പോലിസില്‍ കീഴടങ്ങുകയായിരുന്നു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day