|    Jan 21 Sat, 2017 11:18 pm
FLASH NEWS

പ്രാഥമിക സൗകര്യങ്ങളില്ല: ബാസ്‌കറ്റ് ബോള്‍ ചാംപ്യന്‍ഷിപ്പിനെത്തിയ വിദ്യാര്‍ഥിക്ക് ദുരിതം

Published : 18th April 2016 | Posted By: SMR

കാഞ്ഞങ്ങാട്: സംസ്ഥാന ജൂനിയര്‍ ബാസ്‌കറ്റ്‌ബോള്‍ ചാംപ്യന്‍ഷിപ്പിന് കാലിക്കടവിലെത്തിയ വിദ്യാര്‍ഥികള്‍ പ്രാഥമിക സൗകര്യങ്ങള്‍ പോലുമില്ലാത്തതിനാല്‍ വലയുന്നു. കാലിക്കടവ് പഞ്ചായത്ത് സ്റ്റേഡിയത്തിലാണ് 40-ാമത് സംസ്ഥാന ജൂനിയര്‍ ബാസ്‌കറ്റ്‌ബോള്‍ ചാംപ്യന്‍ഷിപ്പ് നടക്കുന്നത്. സംസ്ഥാനത്തെ 14 ജില്ലകളില്‍ നിന്നുമായി 336 കുട്ടികളും കോച്ചും ഉള്‍പ്പെടെ നാനൂറില്‍ പരം പേര്‍ എത്തിയിട്ടുണ്ട്. ആണ്‍കുട്ടികള്‍ക്ക് ചന്തേര സ്‌കൂളിലും പെണ്‍കുട്ടികള്‍ക്ക് പിലിക്കോട് സികെഎന്‍എസ് സ്‌കൂളിലുമാണ് താമസസൗകര്യമൊരുക്കിയത്. രണ്ടു സ്ഥലങ്ങളും ആവശ്യത്തിനു വെള്ളമില്ലാത്തതാല്‍ പ്രാഥമികാവശ്യങ്ങള്‍ നിര്‍വഹിക്കാന്‍ പോലും ബുദ്ധിമുട്ടുകയാണ്. ചന്തേര സ്‌കൂളില്‍ ആകെ രണ്ടു ടോയ്‌ലറ്റ് മാത്രമാണുള്ളത്. ഇതാകട്ടെ വൃത്തിഹീനവുമാണ്. പിലിക്കോട് സ്‌കൂളിലെ ടോയ്‌ലറ്റുകളില്‍ അഞ്ചെണ്ണം ഉപയോഗിക്കാന്‍ കഴിയാത്ത നിലയിലാണ്. ബാക്കിയുള്ളവയില്‍ വൃത്തിഹീനവുമാണ്.
വസ്ത്രം അലക്കിയിടുന്നതിനു പോലും വെള്ളമില്ലാത്തതിനാല്‍ മല്‍സരത്തിനെത്തിയ കുട്ടികള്‍ ബുദ്ധിമുട്ടുകയാണ്. മല്‍സരം പത്തു ദിവസം മുമ്പു മാത്രം തീരുമാനിച്ചതാണെന്നും അതുകൊണ്ട് വേണ്ടത്ര സൗകര്യം ഏര്‍പ്പെടുത്താന്‍ സാധിച്ചില്ലെന്നും ജില്ലാ ബാസ്‌കറ്റ്‌ബോള്‍ അസോസിയേഷന്‍ സെക്രട്ടറി കെ സുനില്‍ പറഞ്ഞു. മെയ് ഒന്നു മുതല്‍ എട്ടുവരെ പുതുച്ചേരിയില്‍ നടക്കുന്ന ദേശീയ ചാംപ്യന്‍ഷിപ്പിലേയ്ക്കുള്ള ടീമിനെയും ഈ ടൂര്‍ണമെന്റില്‍ നിന്നുമാണ് തിരഞ്ഞെടുക്കുക.

Share on FacebookShare on Google+Tweet about this on TwitterShare on LinkedIn
(Visited 41 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക