|    Sep 22 Fri, 2017 3:27 pm
FLASH NEWS
Home   >  Todays Paper  >  page 9  >  

പ്രസിഡന്റ് തിരഞ്ഞെടുപ്പ്: യുഎസില്‍ ഹിലരി സ്ഥാനാര്‍ഥിത്വമുറപ്പിച്ചു

Published : 8th June 2016 | Posted By: SMR

ലോസ്ആഞ്ചലസ്: യുഎസ് പ്രസിഡന്റ് തിരഞ്ഞെടുപ്പില്‍ ആദ്യ വനിതാ സ്ഥാനാര്‍ഥിയാവാനൊരുങ്ങി ഡെമോക്രാറ്റിക് പാര്‍ട്ടി സ്ഥാനാര്‍ഥി ഹിലരി ക്ലിന്റണ്‍. ഡെമോക്രാറ്റിക് പാര്‍ട്ടി സ്ഥാനാര്‍ഥിയായി നാമനിര്‍ദേശം സമര്‍പ്പിക്കുന്നതിനാവശ്യമായ പിന്തുണ ഹിലരിക്ക് നേടാനായി.
ആകെ 2,383 പ്രതിനിധികളുടെ പിന്തുണയാണു നാമനിര്‍ദേശം സമര്‍പ്പിക്കുന്നതിനായി വേണ്ടത്. ഇന്നലെ കഴിഞ്ഞ ന്യൂജേഴ്‌സി, ന്യൂ മെക്‌സിക്കോ, സൗത്ത് ഡകോട്ട, മൊണ്ടാന പ്രൈമറികളികള്‍, നോര്‍ത്ത് ഡകോട്ട കോക്കസ് എന്നിവയുടെ ഫലം പുറത്തുവന്നതോടെ ഹിലരി തന്റെ പിന്തുണ ഉറപ്പിച്ചു. ഇവിടങ്ങളില്‍ മൊത്തമായി 694 പ്രതിനിധികളാണു പ്രൈമറിയില്‍ പങ്കെടുത്തത്. തിങ്കളാഴ്ച നടന്ന പ്യുവെര്‍ട്ടോ റിക്കോ പ്രൈമറിയില്‍ 60 ശതമാനം വോട്ട് നേടി ഹിലരി വിജയിച്ചിരുന്നു.
റിപബ്ലിക്കന്‍ പാര്‍ട്ടി സ്ഥാനാര്‍ഥിയായി ഡൊണാള്‍ഡ് ട്രംപ് നേരത്തെ തിരഞ്ഞെടുക്കപ്പെട്ടിരുന്നു. നവംബറിലാണ് യുഎസില്‍ പ്രസിഡന്റ് തിരഞ്ഞെടുപ്പ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക