|    Nov 21 Wed, 2018 7:49 am
FLASH NEWS
Home   >  Todays Paper  >  page 9  >  

പ്രസിഡന്റ് തിരഞ്ഞെടുപ്പില്‍ റഷ്യന്‍ ഇടപെടലുണ്ടായതായി യുഎസ് സെനറ്റ് സമിതി

Published : 6th July 2018 | Posted By: kasim kzm

വാഷിങ്ടണ്‍: 2016ലെ പ്രസിഡന്റ് തിരഞ്ഞെടുപ്പില്‍ റഷ്യന്‍ ഇടപെടല്‍ നടന്നെന്ന യുഎസ് ഇന്റലിജന്‍സ് കമ്മിറ്റിയുടെ കണ്ടെത്തലുകള്‍ സ്ഥിരീകരിച്ച് യുഎസ് സെനറ്റ് സമിതി. ഡോണള്‍ഡ് ട്രംപിന്റെ പ്രചാരണങ്ങള്‍ക്ക് അനുകൂലമാവുംവിധം ഹിലരി ക്ലിന്റന്റെ പ്രചാരണങ്ങളെ ദോഷകരമായി ബാധിക്കുന്ന തരത്തിലായിരുന്നു റഷ്യന്‍ ഇടപെടല്‍ എന്നായിരുന്നു കണ്ടെത്തല്‍.
റഷ്യന്‍ ഇടപെടലുകളെ കുറിച്ചുള്ള സെനറ്റ് ഇന്റലിജന്‍സ് കമ്മിറ്റിയുടെ കണ്ടെത്തലുകള്‍ കഴിഞ്ഞദിവസം പുറത്തുവിട്ടിരുന്നു. യുഎസ് പ്രസിഡന്റ് തിരഞ്ഞെടുപ്പിലെ ഇടപെടലിന് റഷ്യന്‍ പ്രസിഡന്റ് വഌദിമിര്‍ പുട്ടിന്റെ ഉത്തരവുണ്ടായിരുന്നതായി കണ്ടെത്തിയിട്ടുണ്ട്. ഈ മാസം 16ന് ട്രംപും പുട്ടിനുമായുള്ള ഉച്ചകോടി ഹെല്‍സിങ്കിയില്‍ നടക്കാനിരിക്കെയാണ് കമ്മിറ്റി റിപോര്‍ട്ട് പുറത്തുവിട്ടത്.
അതേസമയം പ്രസിഡന്റ് തിരഞ്ഞെടുപ്പിലെ പ്രചാരണത്തിന് റഷ്യന്‍ സഹായമുണ്ടായിരുന്നെന്ന ആരോപണങ്ങളോട് രൂക്ഷമായാണ് ട്രംപ് പ്രതികരിച്ചത്. പ്രസിഡന്റ് തിരഞ്ഞെടുപ്പിലെ റഷ്യയുടെ ഇടപെടലുകളെ കുറിച്ചുള്ള ആരോപണത്തില്‍ സ്‌പെഷ്യല്‍ കൗണ്‍സല്‍ റോബര്‍ട്ട് മുള്ളറുടെ നേതൃത്വത്തിലുള്ള സംഘം അന്വേഷണം നടക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss