|    Nov 25 Sat, 2017 1:57 am
FLASH NEWS
Home   >  National   >  

പ്രവാചകനെതിരായ പരാമര്‍ശങ്ങള്‍: ബിഹാറിലെ പുര്‍ണിയയിലും സംഘര്‍ഷം

Published : 9th January 2016 | Posted By: G.A.G

പുര്‍ണിയ (ബിഹാര്‍ ): പ്രവാചകന്‍ മുഹമ്മദ് നബിക്കെതിരെ ഹിന്ദു മഹാസഭ നേതാവ് കമലേഷ് തിവാരി നടത്തിയ ഹീനമായ പരാമര്‍ശങ്ങളുടെ പേരില്‍ ബിഹാറിലെ പുര്‍ണിയയില്‍ സംഘര്‍ഷം. അക്രമാസക്തമായ ജനങ്ങള്‍ പോലീസ് സ്‌റ്റേഷന്‍ ആക്രമിച്ചതായും നിരവധിവാഹനങ്ങള്‍ക്ക് തീവെച്ചതായും റിപോര്‍ട്ടുണ്ട്.

സംഭവത്തെത്തുടര്‍ന്ന് അന്‍പതോളം പേര്‍ക്കെതിരെ പോലിസ് കേസെടുത്തു. തിവാരിയുടെ പരാമര്‍ശങ്ങളുടെ പേരില്‍ പശ്ചിമബംഗാളിലെ മാള്‍ഡ ജില്ലയിലുണ്ടായ സംഘര്‍ഷത്തിന് തൊട്ടു പിന്നാലെയാണ് ബിഹാറിലെ സംഭവവികാസങ്ങള്‍. കഴിഞ്ഞ മാസമാണ് തിവാരി പ്രവാചകനെതിരെ അത്യന്തം ഹീനമായ പരാമര്‍ശങ്ങള്‍ നടത്തിയത്. ഇതോടൊപ്പം മുസ്ലീങ്ങള്‍ക്കെതിരായ ലഘുലേഖകളും തിവാരി വിതരണം ചെയ്യുകയുണ്ടായി. ഇതേത്തുടര്‍ന്ന് മാള്‍ഡയിലുണ്ടായ സംഘര്‍ഷത്തിന് അയവുവന്നതായാണ് റിപോര്‍ട്ടുകള്‍. കേന്ദ്ര ആഭ്യന്തരമന്ത്രി രാജ് നാഥ് സിങ് ഈ മാസം 18ന് മാള്‍ഡ സന്ദര്‍ശിക്കുമെന്നറിയിച്ചിട്ടുണ്ട്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക