|    Nov 18 Sun, 2018 9:06 am
FLASH NEWS
Home   >  Todays Paper  >  page 7  >  

പ്രവര്‍ത്തകരെ ആക്രമിച്ചാല്‍ കൊന്നുകളയുമെന്ന് ബിജെപി അധ്യക്ഷന്‍

Published : 22nd June 2018 | Posted By: kasim kzm

കൊല്‍ക്കത്ത: ബിജെപി പ്രവര്‍ത്തകരെ ആക്രമിച്ചാല്‍ കൊന്നുകളയുമെന്ന് ഭീഷണിപ്പെടുത്തി പശ്ചിമബംഗാള്‍ ബിജെപി അധ്യക്ഷന്‍ ദിലീപ് ഘോഷ്. പാര്‍ട്ടിയുടെ പൊതുയോഗത്തിലായിരുന്നു തൃണമൂല്‍ കോണ്‍ഗ്രസ് പ്രവര്‍ത്തകര്‍ക്കെതിരേ ഘോഷിന്റെ വധഭീഷണി. പാര്‍ട്ടിയുടെ ദേശീയ അധ്യക്ഷന്‍ അമിത് ഷാ അടുത്തയാഴ്ച ബംഗാള്‍ സന്ദര്‍ശിക്കാനിരിക്കെയാണ് ദിലീപ് ഘോഷിന്റെ ഭീഷണി. രസഗുള നല്‍കി തൃണമൂല്‍ കോണ്‍ഗ്രസ്സുകാരെ സല്‍ക്കരിക്കാമെന്ന് ആരോടും കരാറില്ല. തങ്ങളെ ആക്രമിച്ചാല്‍ തിരിച്ചടിക്കും. അവര്‍ ബോംബ് ഉപയോഗിച്ചാല്‍ തങ്ങളും ബോംബ് ഉപയോഗിക്കും. തോക്ക് ഉപയോഗിച്ചാല്‍ തങ്ങളും തോക്ക് ഉപയോഗിക്കുമെന്നും ഘോഷ് പറഞ്ഞു. തൃണമൂല്‍ പ്രവര്‍ത്തകര്‍ക്കെതിരേ വധഭീഷണി മുഴക്കിയതിനെ തുടര്‍ന്ന് ഘോഷിനെതിരേ ജാല്‍പൈഗുരി പോലിസ് സ്വമേധയാ കേസെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss