|    Oct 16 Tue, 2018 11:03 am
FLASH NEWS
Home   >  Todays Paper  >  Page 5  >  

പ്രളയാനന്തര വിനോദസഞ്ചാര മേഖലയിലെ ഉണര്‍വ് അദ്ഭുതകരം: കണ്ണന്താനം

Published : 29th September 2018 | Posted By: kasim kzm

കൊച്ചി: കേരളത്തില്‍ പ്രളയാനന്തര വിനോദസഞ്ചാര മേഖലയിലെ ഉണര്‍വ് അദ്ഭുതകരമാണെന്നു കേന്ദ്ര ടൂറിസം സഹമന്ത്രി അല്‍ഫോന്‍സ് കണ്ണന്താനം. രാജ്യത്തെ ഏറ്റവും വലിയ ടൂറിസം മേളയായ കേരള ട്രാവല്‍ മാര്‍ട്ടിലെ പവലിയനുകളും സ്റ്റാളുകളും വെല്ലിങ്ടണ്‍ ഐലന്‍ഡിലെ സാമുദ്രിക, സാഗരാ കണ്‍വന്‍ഷന്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. മുന്‍പൊരിക്കലും കണ്ടിട്ടില്ലാത്ത പ്രതിസന്ധിയെയാണ് ഇപ്പോള്‍ അതിജീവിച്ചിരിക്കുന്നത്. പ്രളയാനന്തരവും വിനോദസഞ്ചാരം പ്രൗഢി വീണ്ടെടുത്തു എന്നതിന്റെ അനുകൂല സൂചനയാണ് കെടിഎം എന്നും അദ്ദേഹം വ്യക്തമാക്കി. സംസ്ഥാന വിനോദസഞ്ചാര വകുപ്പ് ഉത്തരവാദിത്ത വിനോദസഞ്ചാരം പ്രമേയമാക്കി സജ്ജമാക്കിയ പവലിയനും കേന്ദ്രമന്ത്രി ഉദ്ഘാടനം ചെയ്തു. തുടര്‍ന്ന്, വിവിധ സ്റ്റാളുകളും പവലിയനുകളും അദ്ദേഹം സന്ദര്‍ശിച്ചു. കെടിഎം കഴിഞ്ഞ ദിവസം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. 1600 ബയര്‍മാര്‍ ഇത്തവണ പങ്കെടുക്കുന്നുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss