|    Nov 20 Tue, 2018 11:01 pm
FLASH NEWS

പ്രളയക്കെടുതിയില്‍ സന്നദ്ധസേവനം നടത്തിയവരെ അനുമോദിച്ചു

Published : 9th September 2018 | Posted By: kasim kzm

മഞ്ചേരി: പ്രളയ കെടുതിയില്‍ ദുരിതമനുഭവിക്കുന്നവരെ സഹായിക്കാന്‍ രംഗത്തിറങ്ങിയവരെ എസ്ഡിപിഐ മഞ്ചേരി മണ്ഡലം കമ്മറ്റി അനുമോദിച്ചു. ദേശീയ എക്‌സിക്യൂട്ടീവ് അംഗം അഡ്വ. കെ എം അഷ്‌റഫ് ഉദ്ഘാടനം ചെയ്തു. ഡാമുകള്‍ തുറക്കുന്നതില്‍ കാലതാമസം വരുത്തിയ സംസ്ഥാന സര്‍ക്കാറിന്റെ വീഴ്ചയാണ് ദുരന്തത്തിന്റെ വ്യാപ്തി വര്‍ധിപ്പിച്ചതെന്ന് അദ്ദേഹം അഭിപ്രായപ്പെട്ടു. ഇടുക്കി ഡാമില്‍ പരമാവധി വെള്ളം സംഭരിച്ച് വൈദ്യുതി ഉല്‍പാദനത്തിനു ശ്രമിച്ച നടപടിയാണ് നിരവധി ജീവനുകള്‍ പൊലിയാന്‍ ഇടയാക്കിയതെന്നും അദ്ദേഹം പറഞ്ഞു.സേവന പ്രവര്‍ത്തനങ്ങള്‍ക്കു നേതൃത്വം നല്‍കിയ മഞ്ചേരി ഡ്രീംസ് കൂട്ടായ്മ, മെഫ്‌കൊ മുള്ളമ്പാറ, മുള്ളമ്പാറ എമറാള്‍ഡ്, നെസ്റ്റ് ഡ്രീംസ് കെയ്‌സ് മഞ്ചേരി, ഫിയോ മെന്‍സ് ക്ലബ് മഞ്ചേരി തുടങ്ങിയ കൂട്ടായ്മകള്‍ക്കും സന്നദ്ധ സേവന രംഗത്തു സജീവമായ വ്യക്തികള്‍ക്കും ഉപഹാരങ്ങള്‍ നല്‍കി. മണ്ഡലം പ്രസിഡന്റ് ലത്തീഫ് വല്ലാഞ്ചിറ അധ്യക്ഷത വഹിച്ചു. ദേശീയ സമിതി അംഗം അഡ്വ. കെ പി മുഹമ്മദ് ശരീഫ്, സംസ്ഥാന സെക്രട്ടറി മുസ്തഫ കൊമ്മേരി, ജില്ല ആക്ടിംഗ് പ്രസിഡന്റ് അഡ്വ. സ്വാദിഖ് നടുത്തൊടി, സെക്രട്ടറി ഹംസ പള്ളിയാളി, മണ്ഡലം സെക്രട്ടറി സി അക്ബര്‍ സംസാരിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss