|    Aug 19 Sun, 2018 3:30 am
FLASH NEWS
Home   >  Todays Paper  >  Page 5  >  

പ്രധാനമന്ത്രിയെ പുകഴ്ത്തി സംസാരിച്ചിട്ടില്ലെന്ന് നടന്‍ ടിനി ടോം

Published : 16th July 2018 | Posted By: kasim kzm

കൊച്ചി: പ്രധാനമന്ത്രിയെ പുകഴ്ത്തി സംസാരിച്ചു എന്ന തരത്തില്‍ പ്രചരിക്കുന്ന വാര്‍ത്തകള്‍ അടിസ്ഥാനരഹിതമാണെന്ന് നടന്‍ ടിനി ടോം. ഫേസ്ബുക്കിലൂടെയാണ് ടിനി ടോം നിലപാട് വ്യക്തമാക്കിയത്. ഉളിയന്നൂര്‍ തച്ചന്‍ എന്ന ഫേസ്ബുക്ക് അക്കൗണ്ടില്‍ താരം ഒരു പ്രത്യേക രാഷ്ട്രീയപ്പാര്‍ട്ടിയെ പിന്തുണയ്ക്കുന്നതായി ഫോട്ടോയുള്‍പ്പെടെ വാര്‍ത്ത വന്നിരുന്നു. എന്നാല്‍ ഇത് തികച്ചും വാസ്തവവിരുദ്ധമാണെന്നായിരുന്നു ടിനി ടോമിന്റെ പ്രചാരണം. തനിക്കു രാഷ്ട്രീയം ഇല്ലെന്നും തന്നെ തെറ്റിദ്ധരിക്കരുതെന്നും ടിനി ടോം നേരിട്ട് ആരാധകരോട് സംവദിച്ചു. ഇന്ത്യ യഥാര്‍ഥ ഇന്ത്യ ആയത് നരേന്ദ്രമോദി പ്രധാനമന്ത്രി ആയതിനു ശേഷമാണെന്നും അന്ധമായ ബിജെപി വിരോധം കാരണം പ്രതിപക്ഷം മോദി ചെയ്ത നല്ല കാര്യങ്ങള്‍ പോലും അംഗീകരിക്കുന്നില്ലെന്നും ടിനി ടോം പറഞ്ഞെന്നായിരുന്നു സാമൂഹിക മാധ്യമങ്ങളിലൂടെ പ്രചരിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss