|    Jul 28 Fri, 2017 12:26 am
FLASH NEWS
Home   >  Todays Paper  >  page 12  >  

പ്രദീപ്കുമാര്‍ മല്‍സരിക്കുന്നത് സഹോദരിയുടെ കരളുറപ്പുമായി

Published : 20th October 2015 | Posted By: swapna en

ചെങ്ങന്നൂര്‍: നഗരസഭയിലെ ഇടനാട് 8ാം വാര്‍ഡില്‍ ഇടതു മുന്നണി സ്ഥാനാര്‍ഥി സിപിഐയിലെ പി ആര്‍ പ്രദീപ്കുമാര്‍ ഇത്തവണ തദ്ദേശ തിരഞ്ഞെടുപ്പില്‍ മല്‍സരിക്കുന്നത് സഹോദരിയുടെ കരളുറപ്പുമായി. കരള്‍രോഗത്തെ തുടര്‍ന്ന് ചികില്‍സയിലായിരുന്ന ഇദ്ദേഹത്തിന്റെ കരള്‍മാറ്റ ശസ്ത്രക്രിയ ജൂലൈ 27ന് തിരുവനന്തപുരം കിംസ് ആശുപത്രിയിലാണു നടന്നത്. സഹോദരി പ്രഭാകുമാരിയാണ് പ്രദീപിന് കരള്‍ പകുത്തുനല്‍കിയത്. നാട്ടുകാരും സുഹൃത്തുക്കളും ബന്ധുക്കളും ഓപറേഷന് ആവശ്യമായ 42 ലക്ഷം രൂപ നല്‍കി സഹായിക്കുകയും ചെയ്തു. മദനശ്ശേരില്‍ പരേതനായ കൃഷ്ണപ്പിള്ളയുടെയും പൊന്നമ്മയുടെയും മൂത്ത മകനായ പ്രദീപിന് പ്രകാശ് എന്ന ഒരു സഹോദരന്‍ കൂടിയുണ്ട്. ഇദ്ദേഹം വിദേശത്താണ്. മുമ്പ് രണ്ടുതവണ നഗരസഭാ കൗണ്‍സിലറായിരുന്ന പ്രദീപ് ഒരു തവണ ആരോഗ്യ- വിദ്യാഭ്യാസ സ്റ്റാന്‍ഡിങ് കമ്മറ്റി ചെയര്‍മാനായിരുന്നു. അവിവാഹിതനായ പ്രദീപ് ആരോഗ്യകാരണങ്ങളാല്‍ ഇത്തവണ വീടുവീടാന്തരമുള്ള തിരഞ്ഞെടുപ്പ് പ്രചാരണം ഒഴിവാക്കിയിരിക്കുകയാണ്. ഫോണ്‍ ചെയ്തും മറ്റുമാണു വോട്ടഭ്യര്‍ഥിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക