|    May 29 Mon, 2017 1:26 pm
FLASH NEWS

പ്രണയത്തിന്റെ നേര്‍വഴി കാണിച്ച് കെമിസ്ട്രി ഓഫ് ലൗ ഏകദിന ക്യാംപ്

Published : 17th April 2016 | Posted By: SMR

ചാവക്കാട്: പ്രണയത്തിന്റെ പേരില്‍ വഴിതെറ്റുന്ന കൗമാരക്കാര്‍ക്ക് പ്രണയത്തിന്റെ നേര്‍വഴി കാണിച്ച ‘കെമിസ്ട്രി ഓഫ് ലൗ’ ഏകദിന ക്യാംപ് ശ്രദ്ധേയമായി. പ്രണയത്തില്‍ കുടുങ്ങി വഴിപിഴച്ച് മാതാപിതാക്കള്‍ക്കും കുടുംബങ്ങള്‍ക്കും അന്യമാകുന്ന കൗമരക്കാര്‍ക്ക് പ്രണയത്തിന്റെ സത്യസന്ധത വരച്ചു കാട്ടുന്നതായി ക്യാംപ്.
ആക്‌സസ് ഇന്ത്യയുടേയും എന്‍ഡബ്ലിയുഎഫിന്റേയും ആഭിമിഖ്യത്തിലായിരുന്നു ക്യാംപ് സംഘടിപ്പിച്ചത്. ആക്‌സസ് സീനിയര്‍ റിസോഴ്‌സ് പേഴ്‌സണ്‍ ഡോ. അനസ് നിലമ്പൂര്‍ നേതൃത്വം നല്‍കിയ ക്യാംപില്‍ നൂറുകണക്കിന് വിദ്യാര്‍ഥികള്‍ പങ്കെടുത്തു.
എന്‍ഡബ്ലിയുഎഫ് സംസ്ഥാന കമ്മിറ്റി അംഗം പി കെ റംല ടീച്ചര്‍, എന്‍ഡബ്ലിയുഎഫ് തൃശൂര്‍ ജില്ലാ പ്രസിഡന്റ് സുബൈദ, ആക്‌സസ് ജൂനിയര്‍ റിസോഴ്‌സ് പേഴ്‌സണ്‍ ഫാത്തിമ മുഹാസില്‍ സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day