|    Aug 22 Tue, 2017 10:42 am
FLASH NEWS
Home   >  Todays Paper  >  Page 5  >  

പ്രചാരണത്തിനിടെ അബ്ദുല്ലക്കുട്ടിയുടെ ദേഹത്ത് തുപ്പി

Published : 6th May 2016 | Posted By: SMR

കണ്ണൂര്‍: തലശ്ശേരി മണ്ഡലം യുഡിഎഫ് സ്ഥാനാര്‍ഥി എ പി അബ്ദുല്ലക്കുട്ടിയുടെ ദേഹത്ത് തുപ്പിയെന്നു പരാതി. വടക്കുമ്പാട് പാറക്കെട്ടിന് സമീപത്ത് വോട്ടഭ്യര്‍ഥിക്കുന്നതിനിടെ ഒരാള്‍ അബ്ദുല്ലക്കുട്ടിയെ പിടിച്ച് വലിക്കുകയും തെറി വിളിക്കുകയും ചെയ്തു. ഇതിനിടയില്‍ വായില്‍ ഉണ്ടായിരുന്ന പാന്‍പരാഗ് അബ്ദുല്ലക്കുട്ടിയുടെ ദേഹത്തേക്ക് തുപ്പുകയായിരുന്നു.
ഷര്‍ട്ടില്‍ പിടിച്ച് വലിക്കുന്നതിനിടെ സ്ഥാനാര്‍ഥിയുടെ കൂടെയുള്ളവര്‍ വന്നതിനെ തുടര്‍ന്ന് അയാള്‍ ഓടി രക്ഷപെട്ടു. സിപിഎമ്മിന്റെ ശക്തികേന്ദ്രമാണ് പ്രദേശം. കഴിഞ്ഞ ദിവസം അബ്ദുല്ലക്കുട്ടിയെ ചീത്തവിളിക്കുകയും ഭീഷണിപ്പെടുത്തുകയും ചെയ്‌തെന്ന കേസില്‍ നാലു സിപിഎം പ്രവര്‍ത്തകരെ കതിരൂര്‍ എസ്‌ഐ സുരേന്ദ്രന്‍ കല്യാടന്‍ അറസ്റ്റ് ചെയ്തിരുന്നു. തിങ്കളാഴ്ച രാത്രിയായിരുന്നു പൊന്ന്യം കുണ്ടുചിറയിലെ മരണ വീട്ടില്‍പോയി തിരിച്ചുവരികയായിരുന്ന അബ്ദുല്ലക്കുട്ടിക്കും ഒപ്പമുണ്ടായിരുന്ന നേതാക്കള്‍ക്കും നേരേ ചീത്തവിളിയും ഭീഷണിയുമുണ്ടായത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക