|    Jul 22 Sat, 2017 6:09 pm
FLASH NEWS

പ്രചാരണങ്ങള്‍ നിരീക്ഷിക്കാന്‍ ആന്റി ഡീഫെയ്‌സ്‌മെന്റ് സ്‌ക്വാഡ് രൂപീകരിച്ചു

Published : 22nd March 2016 | Posted By: SMR

മലപ്പുറം: നിയമസഭാ തിരഞ്ഞെടുപ്പുമായി ബന്ധപ്പെട്ട് വിവിധ രാഷ്ട്രീയ കക്ഷികളും സ്ഥാനാര്‍ഥികളും നടത്തുന്ന തിരഞ്ഞെടുപ്പ് പ്രചാരണ പരിപാടികള്‍ നിരീക്ഷിക്കുന്നതിന് ജില്ലാതലത്തില്‍ ആന്റി ഡീഫെയ്‌സ്‌മെന്റ് സ്‌ക്വാഡ് രൂപീകരിച്ച് ജില്ലാ കലക്ടര്‍ ടി ഭാസ്‌കരന്‍ ഉത്തരവിറക്കി. തിരൂര്‍ ആര്‍ഡിഒ ഡോ. ജെ ഒ അരുണിനെ ജില്ലാതല ആന്റി ഡീഫെയ്‌സ്‌മെന്റ് സ്‌ക്വാഡ് നോഡല്‍ ഓഫിസറായി നിയോഗിച്ചു. സ്വകാര്യ വ്യക്തികളുടെ സ്ഥലം, കെട്ടിടം, മതില്‍ എന്നിവിടങ്ങളില്‍ അനുവാദം കൂടാതെ കൊടിമരം നാട്ടുന്നതിനോ ബാനറുകള്‍ കെട്ടുന്നതിനോ പരസ്യം ഒട്ടിക്കുന്നതിനോ മുദ്യാവാക്യങ്ങള്‍ എഴുതുന്നതിനോ രാഷ്ട്രീയ കക്ഷികളോ സ്ഥാനാര്‍ഥികളോ അവരുടെ അനുയായികളെ അനുവദിക്കാന്‍ പാടില്ല. സ്വകാര്യ വ്യക്തിയുടെ സ്ഥാപനങ്ങളിലും സ്ഥലങ്ങളിലും പ്രചാരണ സാമഗ്രികള്‍ സ്ഥാപിക്കുന്നതിനും ചുവരെഴുതുന്നതിനും ഉടമയുടെ രേഖാമൂലമുളള അനുമതി പത്രം വാങ്ങണം. സര്‍ക്കാര്‍ സ്ഥാപനങ്ങളും സ്ഥലങ്ങളും തിരഞ്ഞെടുപ്പ് പ്രചാരണത്തിന് ഉപയോഗിക്കാന്‍ പാടില്ല. ഇത്തരം കാര്യങ്ങള്‍ സ്‌ക്വാഡിന്റെ ശ്രദ്ധയില്‍പ്പെട്ടാല്‍ ശക്തമായ നടപടി സ്വീകരിക്കും. സ്‌ക്വാഡിന്റെ മേല്‍നോട്ട ചുമതലയുള്ള ഉദ്യോഗസ്ഥരുടെ പേരും ഫോണ്‍ നമ്പറും ചുവടെ,
കൊണ്ടോട്ടി- ടി കെ ഗോവിന്ദന്‍ (ബിഡിഒ, കൊണ്ടോട്ടി- 8281040608), ഏറനാട്- എ ജയകുമാര്‍ (ബിഡിഒ, അരീക്കോട്- 8281040607), നിലമ്പൂര്‍- പി വി സത്യന്‍ (ബിഡിഒ, നിലമ്പൂര്‍ – 8281040613), വണ്ടൂര്‍- എന്‍ ബെനിലാ ബ്രൂണോ (ബിഡിഒ, വണ്ടൂര്‍- 8281040621), മഞ്ചേരി- പി എം മുഹമ്മദ് ഷെരീഫ് (സ്‌പെഷല്‍ തഹസില്‍ദാര്‍ എല്‍ ആര്‍ മഞ്ചേരി- 9447494666), പെരിന്തല്‍മണ്ണ- കെ മൊയ്തുകുട്ടി (ബിഡിഒ, പെരിന്തല്‍മണ്ണ- 9447620094), മങ്കട- എം പി രാമദാസ് (ബിഡിഒ, മങ്കട- 8281040612), മലപ്പുറം- അനിതാ മാത്യു (അസി. എക്‌സിക്യുട്ടീവ് എന്‍ജിനീയര്‍, പിഡബ്ല്യുഡി മഞ്ചേരി- 8086395185), വേങ്ങര- ബി ശ്രീബാഷ് (ബിഡിഒ, വേങ്ങര- 8281040620), വള്ളിക്കുന്ന്- ഒ പി രാമദാസ് (ബിഡിഒ, തിരൂരങ്ങാടി- 8281040619), തിരൂരങ്ങാടി- പി പി മമ്മുക്കുട്ടി (ബിഡിഒ, മലപ്പുറം- 8281040611) താനൂര്‍- ടി എസ് സുബ്രഹ്മണ്യന്‍ (ബിഡിഒ, താനൂര്‍- 8281040617), തിരൂര്‍- ജയ് പി ബാല്‍ (ബിഡിഒ, തിരൂര്‍- 8281040618), കോട്ടക്കല്‍- പി ജി കണ്ണന്‍ നായര്‍ (ബിഡിഒ, കുറ്റിപ്പുറം- 8281040610), തവനൂര്‍- എം ഹഫ്‌സാ ബീവി (ബിഡിഒ, പെരുമ്പടപ്പ്- 8281040615), പൊന്നാനി- എം നിര്‍മല (ബിഡിഒ, പൊന്നാനി- 8281040616).

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക