|    Jun 24 Sun, 2018 12:59 pm
FLASH NEWS

പോലിസ് നിരപരാധികളെ വേട്ടയാടുന്നു: കോണ്‍ഗ്രസ്

Published : 24th April 2018 | Posted By: kasim kzm

പാലക്കാട്: പാവപ്പെട്ടവര്‍ക്ക് നീതി നല്‍കേണ്ട പോലീസ് രാഷ്ട്രീയം കളിച്ച് നിരപരാധികളെ വേട്ടയാടുകയാണെന്ന് ഡിസിസി പ്രസിഡന്റ് വി കെ ശ്രീകണ്ഠന്‍. ശ്രീജിത്തിന്റെ മരണം സിബിഐ അന്വേഷിക്കണമെന്നാവശ്യപ്പെട്ട് രമേശ് ചെന്നിത്തല നടത്തുന്ന നിരാഹാര സമരത്തിന് അനുഭാവം പ്രകടിപ്പിച്ച് യുഡിഎഫ് പാലക്കാട് നിയോജക മണ്ഡലം കമ്മിറ്റി സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു. ജില്ലയില്‍ പിടിച്ചുപറിയും കൊള്ളയും നിര്‍ബാധം നടക്കുമ്പോള്‍ ജില്ലയിലെ പോലിസ് സേന നിഷ്‌ക്രിയമാണ്.
ഇതിനെതിരെ ശക്തമായ പ്രക്ഷോഭം സംഘടിപ്പിക്കുമെന്ന് അദ്ദേഹം പറഞ്ഞു. യുഡിഎഫ് ചെയര്‍മാന്‍ പി ബാലഗോപാല്‍ അധ്യക്ഷത വഹിച്ചു. എ രാമസ്വാമി, പി വി രാജേഷ്, ടി എ അബ്ദുള്‍ അസീസ്, എസ് എം നാസര്‍, കെ അരവിന്ദാക്ഷന്‍, വി കെ നിശ്ചലാനന്ദന്‍, കെ എ രഘുനാഥ്, വിജയന്‍ പൂക്കാടന്‍, മനോജ് ചീങ്ങനൂര്‍, സി ബാലന്‍, വി രാമചന്ദ്രന്‍, കെ ഭവദാസ്, പി ആര്‍ പ്രസാദ്, കാജാഹുസൈന്‍, വി  എ നാസര്‍ എന്നിവര്‍ പ്രകടനത്തിന് നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss