|    May 23 Wed, 2018 4:17 pm
FLASH NEWS

പോലിസ് ജീപ്പില്‍ നിന്നു പ്രതിയെ സിപിഎം ബലമായി മോചിപ്പിച്ചു

Published : 3rd May 2018 | Posted By: kasim kzm

പേരാമ്പ്ര: വിഷുവിനോടനുബന്ധിച്ച് പേരാമ്പ്രയില്‍ വീടുകളും വ്യാപാരസ്ഥാപനങ്ങളും അക്രമിക്കപ്പെട്ടതുമായി ബന്ധപ്പെട്ട സംഭവത്തില്‍ വീടാക്രമിച്ച കേസില്‍ പ്രതിചേര്‍ക്കപ്പെട്ടയാളെ അറസ്റ്റ് ചെയ്ത് സ്റ്റേഷനിലേക്ക് കൊണ്ടുവരുമ്പോള്‍ ഒരുസംഘം പേരാമ്പ്ര ടൗണില്‍വെച്ച് പോലിസ് ജീപ്പ് തടഞ്ഞ് പ്രതിയെ മോചിപ്പിച്ചു.
പേരാമ്പ്ര മരുതേരി സ്വദേശി സുധാകരനെയാണ് പേരാമ്പ്ര എഎസ്—ഐ അഹമ്മദിന്റെ നേതൃത്വത്തില്‍ അറസ്റ്റ് ചെയ്തത്. പോലിസ് സ്‌റ്റേഷനിലേക്ക് കൊണ്ടു വരുന്നതിനിടയില്‍ പേരാമ്പ്ര ബസ്സ്റ്റാന്റ് പരിസരത്ത് വച്ച് സിപിഎം, ഡിവൈഎഫ്—ഐ പ്രവര്‍ത്തകര്‍ ചേര്‍ന്ന് ബലമായി മോചിപ്പിക്കുകയായിരുന്നു.മെയ്ദിനറാലിക്കെത്തിയ പ്രവര്‍ത്തകരാണ് പ്രതിയെ മോചിപ്പിച്ചത്. കൂത്താളിയില്‍ സഹകരണ ബാങ്ക് തിരഞ്ഞെടുപ്പ് നടക്കുന്നതിനാല്‍ പോലിസ് സേന മുഴുവനും അവിടെയായിരുന്നതിനാല്‍  പോലിസ് കുറവായിരുന്നു. പോലിസിന്റെ കൃത്യനിര്‍വഹണം തടസ്സപ്പെടുത്തിയതിനും അതിക്രമം കാണിച്ചതിനും കണ്ടാല്‍ അറിയാവുന്ന പതിനഞ്ച് പേര്‍ക്കെതിരേ കേസെടുത്തു. പ്രതികള്‍ക്കായ് രാത്രി നടത്തിയ തെരച്ചിലില്‍ ആരെയും പിടികൂടാനായില്ല. ഇതിനിടെ സംഭവത്തിലെ ഗൗരവം കണക്കിലെടുത്ത് സിപിഎം നേതാക്കള്‍ ഇടപെട്ട് പ്രതിയെ ബുധനാഴച കാലത്ത് സ്റ്റേഷനില്‍ ഹാജരാക്കി. ഭരണസ്വാധീനത്തില്‍ സ്റ്റേഷനില്‍ നിന്ന്ജാമ്യമെടുക്കാന്‍ ശ്രമിച്ചത് വിഫലമാവുകയും ചെയ്തു.പിന്നീട് കോടതിയില്‍ ഹാജരാക്കിയ പ്രതിയെ  റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss