|    Jun 19 Tue, 2018 6:49 am
Home   >  Todays Paper  >  Page 5  >  

പോലിസ് അതിക്രമം അപലപനീയം : എസ് ഡിപിഐ

Published : 30th May 2017 | Posted By: fsq

 

കോഴിക്കോട്: ഹാദിയക്കുണ്ടായ നീതി നിഷേധത്തില്‍ പ്രതിഷേധിച്ച് മുസ്‌ലിം ഏകോപന സമിതി നടത്തിയ ഹൈക്കോടതി മാര്‍ച്ചിനെ അതിക്രൂരമായി നേരിട്ട പോലിസ് നടപടിയെ എസ്ഡിപിഐ സംസ്ഥാന പ്രസിഡന്റ് അബ്ദുല്‍ മജീദ് ഫൈസി അപലപിച്ചു. റംസാന്‍ വ്രതം പോലും പരിഗണിക്കാതെയാണ് നിരവധി പേര്‍ക്ക് മാരകമായി പരിക്കേല്‍ക്കുന്ന വിധം പോലിസ് സമരക്കാരെ നേരിട്ടത്. ഹാദിയയുടെ വിവാഹം അസാധുവാക്കിയ ഹൈക്കോടതി വിധിക്കെതിരേ പ്രതിഷേധം ശക്തമാവുക സ്വാഭാവികമാണ്. ഇന്ത്യന്‍ ഭരണഘടന ഉറപ്പ് നല്‍കുന്ന മൗലികാവകാശങ്ങളുടെ ലംഘനമാണ് ഹാദിയക്ക് രണ്ട് ജസ്റ്റിസുമാരില്‍ നിന്നും നേരിടേണ്ടി വന്നിരിക്കുന്നത്. നീതി ഉറപ്പു വരുത്തേണ്ട കേന്ദ്രങ്ങളില്‍ നിന്ന് തന്നെ അത് പച്ചയായി നിഷേധിക്കപ്പെടുമ്പോള്‍ തെരുവിലിറങ്ങി പ്രതിഷേധിക്കാനുള്ള സ്വാതന്ത്ര്യം ജനാധിപത്യാവകാശമാണ്. അതിനെ അഭിമുഖീകരിക്കാനുള്ള സഹിഷ്ണുതയാണ് പോലിസ് കാണിക്കേണ്ടത്. സമരക്കാരെ മാരകമായി പരിക്കേല്‍പ്പിച്ച പോലിസുകാര്‍ക്കെതിരേ നടപടി വേണമെന്നും മജീദ് ഫൈസി ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss