|    Jul 24 Mon, 2017 12:16 pm
FLASH NEWS

പോലിസിന്റെ ശീതളപാനീയ വിതരണം ശ്രദ്ധേയമാവുന്നു

Published : 9th April 2016 | Posted By: SMR

കോട്ടയം: മീനച്ചൂടില്‍ വലയുന്ന പോലിസ് ഉദ്യോഗസ്ഥരുടെ ശരീരവും മനസ്സും തണുപ്പിച്ച് പോലിസ് തന്നെ നടത്തുന്ന ശീതളപാനീയ വിതരണം ശ്രദ്ധേയമായി. കനത്ത ചൂടില്‍ ട്രാഫിക് ഡ്യൂട്ടി ചെയ്യുന്ന പോലിസ് ഉദ്യോഗസ്ഥര്‍ക്കാണ് കൃത്യമായ ഇടവേളകളില്‍ ശുദ്ധജല വിതരണം ചെയ്യുന്നത്. ഡിജിപി ടിപി സെന്‍കുമാര്‍ മുന്‍കൈയെടുത്താണ് ശുദ്ധജല വിതരണം ചെയ്യാന്‍ നിര്‍ദേശം നല്‍കിയിരിക്കുന്നത്.
ഇതിനാവശ്യമായ തുക പോലിസിന്റെ ക്ഷേമകാര്യ ഫണ്ടില്‍ നിന്ന് ചിലവഴിക്കാനും ഡിജിപി നിര്‍ദേശം നല്‍കിയിട്ടുണ്ട്. ജില്ലയില്‍ 40,000 രൂപയാണ് അനുവദിച്ചിട്ടുള്ളത്. പകല്‍ 10നും നാലിനുമിടയില്‍ നാലുതവണയായാണ് ട്രാഫികില്‍ ജോലി ചെയ്യുന്ന ഉദ്യോഗസ്ഥര്‍ക്ക് നാരങ്ങാവെള്ളം, മോരുംവെള്ളം, മിനറല്‍ വാട്ടര്‍ എന്നിവയും നല്‍കുന്നത്.
കോട്ടയം ടൗണില്‍ 15 ട്രാഫിക് പോയിന്റുകളിലായി 25 പോലിസ് ഉദ്യോഗസ്ഥര്‍ക്കാണ് വെള്ളം വിതരണം ചെയ്തത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക