|    Aug 22 Wed, 2018 1:01 pm
FLASH NEWS

പോലിസിനെ ഭീഷണിപ്പെടുത്തിയതിന് 30 പേര്‍ക്കെതിരേ കേസ്

Published : 18th April 2018 | Posted By: kasim kzm

ചക്കരക്കല്‍: ഏച്ചൂര്‍ ടൗണില്‍ പോലിസ് വാഹനം തടഞ്ഞുവച്ച് ഭീഷണി മുഴക്കിയ സംഭവത്തില്‍ 30 പേര്‍ക്കെതിരെ ജാമ്യമില്ലാ വകുപ്പ് പ്രകാരം പോലിസ് കേസെടുത്തു. അക്രമത്തിനു നേതൃത്വം നല്‍കിയ മാച്ചേരിയിലെ വിനീഷ് ഉള്‍പ്പെടെയുള്ളവര്‍ക്കെതിരെയാണ് കേസെടുത്തത്.
മേലേ ചൊവ്വ-മട്ടന്നൂര്‍ റോഡില്‍ ഒരുസംഘം വാഹനങ്ങള്‍ തടഞ്ഞ് ബലമായി പണപ്പിരിവ് നടത്തുന്നതായി പരാതി ലഭിച്ചതിന്റെ അടിസ്ഥാനത്തിലെത്തിയ പോലിസ് ആറുപേരെ കസ്റ്റഡിയിലെടുത്തിരുന്നു. 15ഓളം പേരാണ് ക്ഷേത്രോല്‍സവത്തിന്റെ പേരില്‍ നിര്‍ബന്ധിത പണപ്പിരിവ് നടത്തിയത്. ഇത് നിര്‍ത്തിവയ്ക്കണമെന്ന് പോലിസ് ആവശ്യപ്പെട്ടെങ്കിലും തയ്യാറായില്ല. ഇവരെ കസ്റ്റഡിയിലെടുത്തതോടെ ഉല്‍സവക്കമ്മിറ്റി ഭാരവാഹികളെത്തി സംസാരിച്ചതിനെ തുടര്‍ന്ന് കേസെടുക്കാതെ വിട്ടയക്കുകയായിരുന്നു. രാത്രി 8.30ഓടെ പോലിസിനെതിരെ വ്യാപകമായ പോസ്റ്റര്‍ പ്രചാരണം നടത്തുന്നുവെന്നറിഞ്ഞ് എഎസ്‌ഐ ശശീന്ദ്രന്റെ നേതൃത്വത്തില്‍ ഏച്ചൂരിലെത്തിയ സംഘത്തെ 200ഓളം പേര്‍ തടഞ്ഞുവയ്ക്കുകയായിരന്നു.
എസ്‌ഐ സ്ഥലത്തെത്തണമെന്നും ജീപ്പ് കത്തിക്കുമെന്നും ഭീഷണിപ്പെടിത്തി. തുടര്‍ന്ന് കെഎപിയില്‍ നിന്നുള്ള ഒരുപ്ലാറ്റൂണും ഫ്‌ളൈയിങ് സ്‌ക്വാഡ് ഉള്‍പ്പെടെയുള്ള സന്നാഹവുമായി സിറ്റി സിഐ കെ വി പ്രമോദ്, ചക്കരക്കല്‍ എസ്‌ഐ ബിജു എന്നിവരുടെ നേതൃത്വത്തിലുള്ള സംഘവും സ്ഥലത്തെത്തി. ഇതോടെ സംഘം ഓടിരക്ഷപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss