|    Feb 22 Thu, 2018 6:13 pm
FLASH NEWS

പോലിസിനെ ഭയന്ന് ഓടിയ 16കാരന്‍ കിണറ്റില്‍ വീണു

Published : 27th December 2017 | Posted By: kasim kzm

കോട്ടയം: പോലിസിനെ ഭയന്ന് ഓടിയ 16കാരന്‍ കിണറ്റില്‍ വീണു. ഫയര്‍ഫോഴ്‌സ് എത്തി രക്ഷപ്പെടുത്തി. പരിക്കൊന്നുമില്ല. വാകത്താനം പുത്തന്‍ചന്ത ഭാഗത്ത് തിങ്കളാഴ്ച രാത്രി 10.20നാണ് സംഭവം. ക്രിസ്മസ് കരോളിനായി കൂട്ടുകാരന്റെ ബൈക്കിനു പിന്നിലിരുന്ന് പോവുകയായിരുന്നു പതിനാറുകാരന്‍. വാഹന പരിശോധനയ്‌ക്കെത്തിയ പോലിസ് ബൈക്കിന് കൈകാണിച്ചെങ്കിലും നിര്‍ത്തിയില്ല. പോലിസ് പിന്നാലെ വരുമെന്നു ഭയന്ന ബാലന്‍ വഴിയില്‍ ഇറങ്ങിയോടി. ഇതിനിടെ മൊബൈല്‍ ഫോണ്‍ എവിടെയോ നഷ്ടപ്പെട്ടു. ഫോണ്‍ തിരയുന്നതിനിടെയാണ് കിണറ്റില്‍ അകപ്പെട്ടത്. പണി പൂര്‍ത്തിയായി വരുന്ന കിണര്‍ പടുത കൊണ്ട് മൂടിയിരിക്കുകയായിരുന്നു. അതിനാല്‍ കിണര്‍ ആണെന്നറിയാതെയാണ് വീണത്. തുടര്‍ന്ന് കരയ്ക്കു കയറാനാവാതെ വന്നതോടെ സംഭവം അറിഞ്ഞെത്തിയവര്‍ ഫയര്‍ഫോഴ്‌സില്‍ വിവരം അറിയിക്കുകയായിരുന്നു. വീഴ്ചയില്‍ പരിക്കൊന്നുമുണ്ടായിട്ടില്ല. നിര്‍ത്താതെ പോയ ബൈക്കിനെ പോലിസ് പിന്തുടരുകയോ ആരാണ് ബൈക്കില്‍ യാത്ര ചെയ്തതെന്ന് അന്വേഷിക്കുകയോ ചെയ്തിട്ടില്ലെന്നു വാകത്താനം പോലിസ് അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss