|    Aug 19 Sun, 2018 11:21 pm
FLASH NEWS
Home   >  Todays Paper  >  Page 5  >  

പോപുലര്‍ ഫ്രണ്ട് നിരോധനത്തിന് എതിരേ വനിതകളുടെ ഐക്യദാര്‍ഢ്യം 3ന് മലപ്പുറത്ത്

Published : 1st April 2018 | Posted By: kasim kzm

മലപ്പുറം: ജാര്‍ഖണ്ഡില്‍ പോപുലര്‍ ഫ്രണ്ട് ഓഫ് ഇന്ത്യയുടെ പ്രവര്‍ത്തനം നിരോധിച്ചതിനെതിരേ നാഷനല്‍ വുമന്‍സ് ഫ്രണ്ട് സംസ്ഥാന കമ്മിറ്റിയുടെ നേതൃത്വത്തില്‍ മൂന്നിന് വൈകീട്ട് 3.30ന് മലപ്പുറം കലക്ടറേറ്റ് പരിസരത്ത് ഐക്യദാര്‍ഢ്യ സമംഗമം നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ഞങ്ങള്‍ പോപുലര്‍ഫ്രണ്ടിനൊപ്പം എന്ന മുദ്രാവാക്യമുയര്‍ത്തിയാണ് പരിപാടി സംഘടിപ്പിക്കുന്നത്. ജനാധിപത്യ മൂല്യങ്ങള്‍ ചവിട്ടിയരക്കുകയും ഭരണഘടനയെ തന്നെ വെല്ലുവിളിക്കുകയും ചെയ്യുന്ന ഹിന്ദുത്വ ഫാഷിസ്റ്റുകള്‍ സ്വതന്ത്രമായ രാഷ്ട്രീയ സാമൂഹിക പ്രവര്‍ത്തനങ്ങള്‍ ഇല്ലായ്മ ചെയ്യാനാണ് ശ്രമിക്കുന്നത്. ജാര്‍ഖണ്ഡില്‍ പോപുലര്‍ഫ്രണ്ട് നിയമ വിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടുവെന്ന് ഒരു ഏജന്‍സിയും കണ്ടെത്തിയിട്ടില്ല. കേന്ദ്ര-സംസ്ഥാന സര്‍ക്കാരുകളും കോര്‍പറേറ്റുകളും കൈകോര്‍ത്ത്് ജാര്‍ഖണ്ഡിനെ കൊള്ളയടിക്കുന്നതിനെതിരേ നടക്കുന്ന ജനകീയ ചെറുത്തുനില്‍പുകളില്‍ പോപുലര്‍ ഫ്രണ്ട് പങ്കെടുത്തിരുന്നു. ഗോരക്ഷാ ഗുണ്ടകളുടെ ആക്രമണങ്ങള്‍ക്കിരയായവരുടെ കുടുംബങ്ങള്‍ക്ക് സംരക്ഷണവും നിയമ സഹായവും പോപുലര്‍ ഫ്രണ്ട് നല്‍കിയിരുന്നു. ഇതില്‍ അസ്വസ്ഥരായ ഫാഷിസ്റ്റ് ഭരണകൂടമാണ് സംഘടനയ്‌ക്കെതിരേ നിരോധനം ഏര്‍പ്പെടുത്തിയത്. ഐക്യദാര്‍ഢ്യ സംഗമം എന്‍ഡബ്ല്യുഎഫ് ദേശീയ പ്രസിഡന്റ് എ എസ് സൈനബ ഉദ്ഘാടനം ചെയ്യും. രജിത, അഡ്വ. കെ ആശ, കെ കെ റൈഹാനത്ത്, ജാസ്മിന്‍ പങ്കെടുക്കും. എന്‍ഡബ്ല്യുഎഫ് സംസ്ഥാന സെക്രട്ടറി എം ഹബീബ, സംസ്ഥാന സമിതി അംഗം പി കെ റംല, മലപ്പുറം ജില്ലാ പ്രസിഡന്റ് എം കെ സൗദ ഉസ്മാന്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss