|    Apr 23 Mon, 2018 5:19 am
FLASH NEWS
Home   >  Todays Paper  >  page 12  >  

പോപുലര്‍ ഫ്രണ്ട് നിരോധനം നീക്കണമെന്ന് സാമൂഹികപ്രവര്‍ത്തകര്‍

Published : 5th March 2018 | Posted By: kasim kzm

ന്യൂഡല്‍ഹി: ജാര്‍ഖണ്ഡില്‍ പോപുലര്‍ ഫ്രണ്ട് ഓഫ് ഇന്ത്യയുടെ പ്രവര്‍ത്തനങ്ങള്‍ നിരോധിച്ച സംസ്ഥാന സര്‍ക്കാരിന്റെ നടപടി പുനപ്പരിശോധിക്കണമെന്നു സാമൂഹിക പ്രവര്‍ത്തര്‍ സംയുക്ത പ്രസ്താവനയില്‍ ആവശ്യപ്പെട്ടു. നിരോധനം രാജ്യത്തെ ഭരണഘടന അനുശാസിക്കുന്ന മൗലികാവകാശങ്ങളുടെ  ലംഘനമാണ്. ഐഎസ് ബന്ധം ഉള്‍പ്പെടെ തീര്‍ത്തും അടിസ്ഥാനരഹിതമായ ആരോപണങ്ങളാണു നിരോധന തീരുമാനമെടുക്കുന്നതിനു സര്‍ക്കാര്‍ പരിഗണിച്ചിട്ടുള്ളതെന്നും രാജ്യത്തിന്റെ വിവിധയിടങ്ങളില്‍ നിന്നുള്ള സാമൂഹിക പ്രവര്‍ത്തകര്‍ ഒപ്പുവച്ച പ്രസ്താവന ചൂണ്ടിക്കാട്ടുന്നു.
രാജ്യത്തെ പിന്നാക്ക വിഭാഗങ്ങള്‍ക്കിടയില്‍ സാക്ഷരതാ കാംപയിന്‍ ഉള്‍പ്പെടെ നടത്തി അവരുടെ ഉന്നമനത്തിനു ശ്രമിക്കുന്ന സംഘടനയാണു പോപുലര്‍ ഫ്രണ്ട്.
സംയുക്ത പ്രസ്താവനയില്‍ ഡോ. സുരേഷ് ഖൈര്‍നര്‍ നാഗ്പൂര്‍, രവി നായര്‍ (സൗത്ത് ഏഷ്യന്‍ ഹ്യൂമന്‍ ഡോക്യുമെന്റേഷന്‍ സെന്റര്‍), പ്രഫ. ശംസുല്‍ ഇസ്‌ലാം ന്യൂഡല്‍ഹി, ലെനി രഘുവംശി (പിവിസിഎച്ച്ആര്‍ ലഖ്‌നോ), അഡ്വ. ശ്രീദേവി പണിക്കര്‍ ന്യൂഡല്‍ഹി, രാജീവ് യാദവ് (രിഹായ് മഞ്ച്), അഡ്വ. ആദിത്യ വാദ്‌വ (സുപ്രിംകോടതി), ഡോ. മാലം നിഗജ്വ (കാംപയിന്‍ ഫോര്‍ പീസ് അന്റ് ഡെമോക്രസി), മാധ്യമ പ്രവര്‍ത്തകന്‍ സുനില്‍ കുമാര്‍, മാധുരി കൃഷ്ണസ്വാമി (ജെഡിഎസ്എ ഭോപാല്‍), റോണ വില്‍ഡസണ്‍ (സിആര്‍പിപി ഡല്‍ഹി), സീമ ആസാദ് (എഡിറ്റര്‍ ദാസ്ഥക്), പ്രബല്‍ (ഡല്‍ഹി യുനിവേഴ്‌സിറ്റി), അഡ്വ. അമിത് എ ശ്രീവാസ്തവ് (ഡല്‍ഹി ഹൈക്കോടതി), അഡ്വ. മംഗള, (ഡല്‍ഹി ഹൈക്കോടതി), അനുഷ്‌ക ശര്‍മ (ഡെമോക്രാറ്റിക് റൈറ്റ് ന്യൂഡല്‍ഹി) എന്നിവര്‍ ഒപ്പുവച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss