|    Jan 17 Tue, 2017 11:02 pm
FLASH NEWS

പോത്തുകളെ കൊണ്ടുപോയ പിക്കപ്പ് വാന്‍ തടഞ്ഞ് ആക്രമണം; കൊലക്കേസ് പ്രതി അറസ്റ്റില്‍

Published : 15th February 2016 | Posted By: SMR

കാസര്‍കോട്: പോത്തുകളെ കൊണ്ടുപോവുന്നതിനിടയില്‍ പിക്കപ്പ് വാന്‍ തടഞ്ഞ് ഡ്രൈവറെയും സഹായികളെയും ആക്രമിച്ച കേസില്‍ കൊലക്കേസ് പ്രതിയെ പോലിസ് അറസ്റ്റ് ചെയ്തു. സംഘപരിവാര പ്രവര്‍ത്തകനായ കേളുകുന്ന് ഗുഡ്ഡെ ടെംപിള്‍ റോഡിലെ സന്തോഷ് എന്ന ബജെ സന്തോഷാ(28)ണ് അറസ്റ്റിലായത്. ഷിരിബാഗിലുവിലെ മുഹമ്മദ് അഷ്‌റഫി (29)നെ ആക്രമിച്ച കേസിലാണ് സന്തോഷിനെ കഴിഞ്ഞ ദിവസം അടുക്കത്ത്ബയലില്‍ വച്ച് അറസ്റ്റ് ചെയ്തത്. ജനുവരി 17ന് വൈകീട്ട് ഷിരിബാഗിലു ആസാദ് നഗറില്‍ വച്ചാണ് ആക്രമണം.
പോത്തിനെയും കൊണ്ട് പോവുകയായിരുന്ന പിക്കപ്പ് വാന്‍ തടഞ്ഞ് നിര്‍ത്തി കുത്തിപ്പരിക്കേല്‍പ്പിക്കുകയും വടികൊണ്ട് അടിച്ച് പരിക്കേല്‍പ്പിക്കുകയുമായിരുന്നു. സംഭവത്തില്‍ ഷിരിബാഗിലു ഭഗവതി നഗറിലെ ഉദയകുമാ(30)റിനെ നേരത്തെ അറസ്റ്റ് ചെയ്തിരുന്നു. കേസില്‍ രണ്ടു പേരെ കൂടി കിട്ടാനുണ്ടെന്ന് പോലിസ് പറഞ്ഞു. 2008ല്‍ അടുക്കത്ത്ബയലിലെ മുഹമ്മദിനെ കുത്തിക്കൊന്ന കേസിലെ പ്രതിയാണ് സന്തോഷ്. കൂടാതെ 2008ലെ വധശ്രമക്കേസിലും 2007ലെ നരഹത്യാശ്രമക്കേസിലും തീവയ്പ് കേസിലും സന്തോഷ് പ്രതിയാണ്. 2010 ഡിസംബര്‍ 23ന് സന്തോഷിനെ കാപ്പ ചുമത്തി അറസ്റ്റ് ചെയ്തിരുന്നു.

Share on FacebookShare on Google+Tweet about this on TwitterShare on LinkedIn
(Visited 53 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക