|    Nov 17 Sat, 2018 12:03 pm
FLASH NEWS
Home   >  Todays Paper  >  page 7  >  

പോക്‌സോ നിയമലംഘനം: രാഹുല്‍ ഗാന്ധിക്ക് നോട്ടീസ്

Published : 21st June 2018 | Posted By: kasim kzm

മുംബൈ: കോണ്‍ഗ്രസ് പ്രസിഡന്റ് രാഹുല്‍ ഗാന്ധിക്ക് മഹാരാഷ്ട്ര ബാലാവകാശ കമ്മീഷന്‍ നോട്ടീസ്. ജല്‍ഗാവില്‍ ദലിത് കുട്ടികള്‍ക്കു നേരെ നടന്ന അതിക്രമത്തിന്റെ വീഡിയോ രാഹുല്‍ ഗാന്ധി ട്വിറ്ററിലൂടെ പങ്കുവച്ചതിനാണ് നടപടി. കഴിഞ്ഞ ആഴ്ച മഹാരാഷ്ട്രയിലെ ജല്‍ഗാവില്‍ മേല്‍ജാതിക്കാരന്റെ കുളത്തില്‍ നീന്തിയതിന് രണ്ടു കുട്ടികളെ ഒരു സംഘം ആളുകള്‍ വിവസ്ത്രരാക്കി മര്‍ദിച്ചിരുന്നു. കുട്ടികളെ മര്‍ദിക്കുന്ന വീഡിയോ രാഹുല്‍ ട്വിറ്ററില്‍ പങ്കുവയ്ക്കുകയും ബിജെപി, ആര്‍എസ്എസ് അതിക്രമങ്ങള്‍ക്ക് ഉദാഹരണമാണിതെന്നു ചൂണ്ടിക്കാട്ടുകയും ചെയ്തിരുന്നു. ബാലനീതി നിയമപ്രകാരവും പോക്‌സോ നിയമപ്രകാരവും പ്രായപൂര്‍ത്തിയാവാത്ത ഇരകളുടെ വിവരം വെളിപ്പെടുത്താന്‍ പാടില്ല. ഇതു ലംഘിച്ചതിനാലാണ് രാഹുല്‍ ഗാന്ധിക്കു നോട്ടീസ് അയച്ചതെന്നു കമ്മീഷന്‍ പ്രസിഡന്റ് പ്രവീണ്‍ ഗുജ്ജ് പറഞ്ഞു.
എന്നാല്‍, കമ്മീഷന്‍ നടപടി അസംബന്ധമാണെന്നും കുട്ടികളുടെ അവകാശങ്ങള്‍ സംരക്ഷിക്കുന്നതില്‍ വീഴ്ച വരുത്തിയ മഹാരാഷ്ട്ര മുഖ്യമന്ത്രിക്കാണ് നോട്ടീസ് അയക്കേണ്ടതെന്നും മുംബൈ കോണ്‍ഗ്രസ് നേതാവ് സഞ്ജയ് നിരുപം വിമര്‍ശിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss