|    Jan 17 Tue, 2017 6:37 pm
FLASH NEWS

പൊന്‍കുന്നത്തിനു സമീപം 20ാം മൈലില്‍ ബസ്സുകള്‍ കൂട്ടിയിടിച്ച് 46 പേര്‍ക്കു പരിക്ക്

Published : 1st May 2016 | Posted By: SMR

പൊന്‍കുന്നം: ദേശീയപാത 183ല്‍ പൊന്‍കുന്നത്തിനു സമീപം 20ാം മൈലില്‍ കെഎസ്ആര്‍ടിബസ്സും സ്വകാര്യ ബസ്സും കൂട്ടിയിടിച്ചുണ്ടായ അപകടത്തില്‍ 46 പേര്‍ക്കു പരിക്ക്. ഇന്നലെ വൈകിട്ട് അഞ്ചു മണിയോടെയായിരുന്നു അപകടം. കോട്ടയത്തു നിന്ന് ചെമ്മണ്ണാറിനു പോവുകയായിരുന്ന കെഎസ്ആര്‍ടിസി ബസ്സും എരുമേലിയില്‍ നിന്നു കോട്ടയത്തേക്കു പോവുകയായിരുന്ന സ്വകാര്യ ബസും തമ്മില്‍ 20ാം മൈലില്‍ വച്ച് കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ സ്വകാര്യ ബസ്സിന്റെ മുന്‍ഭാഗം തകര്‍ന്നു.
അപകടത്തില്‍പ്പെട്ട എട്ടു പേരെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു. അമല്‍ജിത്ത് (16) ഇഞ്ചിയാനി, രമ്യ (25) ചിറക്കടവ്, സ്വാതി, സുജിത്ത് (20), നിര്‍മല്‍, ഏലിയാമ്മ (65) പയ്യപ്പാടി, ഓമന (45) കുമളി, കെ.കെ. വര്‍ഗീസ് (65) കുമളി എന്നീവരെയാണ് മെഡിക്കല്‍ കോളജില്‍ പ്രവേശിപ്പിച്ചത്.
പാറത്തോട് സ്വദേശിയായ സ്വകാര്യ ബസ് ഡ്രൈവര്‍ അജാസ്(29), കണ്ടക്ടര്‍ വിവേക്(20), മറ്റൊരു ജീവനക്കാരന്‍ കണ്ണന്‍(22), രാജി (38), ജിജി വര്‍ഗീസ് (23), ബിജു (37), അല്‍ മരിയ (14)്, ചക്രപാണി (45), ബിന്‍സി (32), രാജേഷ് (40), അഭിജിത്ത് (28)്, അനു (38), കാര്‍ത്തിക (41), അയ്ബിന്‍ (എട്ട്)്, ജസ്‌ന(23), സാമോള്‍ (11), ഷീബ (40), മേഴ്‌സി (48), സരിത (20), സരീഷ്‌കുമാര്‍ (57), റോഷ്‌ന (27), സജിത (29), പ്രിന്‍സ് (31), രമ്യ (25), ജിമ്മി (25), ജസ്‌ന (39), സരസമ്മ (58), മൃണാളിനി (59), സരിത (20), മനു (24), സുനിത (25), ജീവന്‍ പി. ജോസ് (22), തരുണ്‍ (24), ലിബിന്‍ (25), അബിയ (10), തമ്പി (57), അയ്യപ്പന്‍ (27) സൗമ്യ (35) എന്നിവരെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു.
പൊന്‍കുന്നം പോലിസും കാഞ്ഞിരപ്പള്ളിയില്‍ നിന്നെത്തിയ ഫയര്‍ ഫോഴ്‌സും നാട്ടുകാരും ചേര്‍ന്നാണു പരിക്കേറ്റവരെ ആശുപത്രിയിലെത്തിച്ചത്. പൊന്‍കുന്നം പോലിസ് മേല്‍നടപടികള്‍ സ്വീകരിച്ചു. അപകടത്തെത്തുടര്‍ന്നു ഒരു മണിക്കൂറോളം ദേശീയപാതയില്‍ ഗതാഗതം തടസപ്പെട്ടു.

Share on FacebookShare on Google+Tweet about this on TwitterShare on LinkedIn
(Visited 58 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക