|    Jan 23 Mon, 2017 1:55 am
FLASH NEWS

പൊന്നാനി നഗരസഭ ഇനി വെളിച്ചത്തില്‍; 1000 തെരുവുവിളക്കുകളും 6 ഹൈമാസ്റ്റ് ലൈറ്റുകളും സ്ഥാപിക്കുന്നു

Published : 14th December 2015 | Posted By: SMR

പൊന്നാനി: സന്ധ്യ മയങ്ങിയാ ല്‍ ഇരുട്ടില്‍ തപ്പുന്ന പൊന്നാനി നഗരസഭ ഇനി വെള്ളി വെളിച്ചത്തിലേക്ക്. നഗരസഭയിലെ 51 വാര്‍ഡുകളിലും ആയിരം തെരുവ് വിളക്കുകളും പ്രധാന സ്ഥലങ്ങളിലായി 6 ഹൈമാസ്റ്റ് ലൈറ്റുകളും സ്ഥാപിക്കാന്‍ പദ്ധതിയായി. തെരുവുവിളക്കുകള്‍ മിക്ക വാര്‍ഡുകളിലും സ്ഥാപിച്ചു തുടങ്ങി. നേരത്തേ കണ്ണടച്ചിരുന്ന വിളക്കുകളാകട്ടെ അറ്റകുറ്റപണി നടത്തി വെളിച്ചം തരാന്‍ തുടങ്ങിക്കഴിഞ്ഞു. കാലങ്ങളായി ജനങ്ങളുടെ മുറവിളിയായിരുന്നു തെരുവ് വിളക്കുകള്‍ കത്തിക്കാനായി. അതാണ് യാഥാര്‍ഥ്യമാക്കാന്‍ പോകുന്നത്. ഉള്‍പ്രദേശങ്ങളിലടക്കം തെരുവ് വിളക്കുകള്‍ കത്താന്‍ തുടങ്ങി. 6 സ്ഥലങ്ങളിലാണ് ഹൈമാസ്റ്റ് ലൈറ്റുകള്‍ സ്ഥാപിച്ചു തുടങ്ങിയത് . ഇനി ചമ്രവട്ടം ജംഗ്ഷനിലേതു മാത്രമാണ് പൂര്‍ത്തിയാക്കാനുള്ളത്. അതിന്റെ ജോലികള്‍ പുരോഗമിച്ച് വരികയാണ്. പൊന്നാനി എംപി ഇ ടി മുഹമ്മദ് ബഷീറിന്റെയും ബാലഗോപാലന്‍ എംപി യുടെയും എം പി ഫണ്ടിന് പുറമെ നഗരസഭയുടെ കൂടി ഫണ്ട് ഉപയോഗിച്ചാണ് ഹൈമാസ്റ്റ് ലൈറ്റുകള്‍ സ്ഥാപിക്കുന്നത്. ചന്തപ്പടി, കൊല്ലന്‍ പടി, കുണ്ടുകടവ് ജംഗ്ഷന്‍, ബസ് സ്റ്റാന്റ് പരിസരം, വളവ് ,തുടങ്ങിയ സ്ഥലങ്ങളിലാണ് ഹൈമാസ്റ്റ് വിളക്കുകള്‍ സ്ഥാപിച്ചത്. ഇതോടെ കാലങ്ങളായി ആവശ്യപ്പെട്ടിരുന്ന പൊതു ജന ആവശ്യം യാഥാര്‍ത്യമായി.

Share on FacebookShare on Google+Tweet about this on TwitterShare on LinkedIn
(Visited 70 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക