|    Nov 18 Sun, 2018 10:33 pm
FLASH NEWS

പൊന്നാനിയില്‍ ലക്ഷങ്ങളുടെ ചെമ്മീന്‍ ചാകര

Published : 8th June 2017 | Posted By: fsq

 

പൊന്നാനി: കടല്‍ പ്രക്ഷുബ്ദമായതിനെ തുടര്‍ന്നുള്ള വറുതിക്ക് ശേഷം പൊന്നാനിയില്‍ വീണ്ടും ലക്ഷങ്ങളുടെ ചെമ്മീന്‍ ചാകര. പൊന്നാനിയില്‍നിന്ന് മല്‍സ്യബന്ധനത്തിന് പോയ ബോട്ടുകള്‍ക്കാണ് ചെമ്മിന്‍ ചാകര ലഭിച്ചത്. മൂന്നാഴ്ച മുന്‍പും പൊന്നാനിയില്‍ വന്‍ ചെമ്മീന്‍ ചാകരയുണ്ടായിരുന്നു. പാലപ്പെട്ടി, വെളിയംകോട്, പൊന്നാനി ഭാഗത്തെ കടലിലാണ് ചെമ്മീന്‍ ചാകരയുണ്ടായത്. വിവരമറിഞ്ഞതോടെ കൂടുതല്‍ ബോട്ടുകള്‍ ഈ പ്രദേശത്തേക്ക് മല്‍സ്യബന്ധനത്തിന് വരികയായിരുന്നു. ഇന്നലെ മാത്രം 40 ലക്ഷം രൂപയുടെ ചെമ്മീനാണ് വിവിധ ബോട്ടുകള്‍ക്ക് ലഭിച്ചത്. ചുവന്ന വലിയ ചെമ്മീനായതിനാല്‍ മാര്‍ക്കറ്റില്‍ നല്ല വിലയും ലഭിച്ചു. വലിയ ചെമ്മീന്‍ കിലോയ്ക്ക് 450 രൂപയ്ക്കാണ് വിറ്റിരുന്നത്. ദിവസങ്ങള്‍ക്ക് മുമ്പ് ഇത്തരം ചെമ്മീനുകള്‍ക്ക് 600 നടുത്തായിരുന്നു വില. ചെമ്മീന്‍ ചാകര ലഭിച്ചത് മല്‍സ്യത്തൊഴിലാളി കുടുംബങ്ങളെ ഏറെ സന്തോഷം നല്‍കിയിട്ടുണ്ട്. കഴിഞ്ഞ കുറച്ച് ആഴ്ചകളായി മല്‍സ്യക്ഷാമം മൂലം ബോട്ടുകാര്‍ക്ക് കാര്യമായ മീനുകള്‍ കിട്ടിയിരുന്നില്ല. പലര്‍ക്കും ഇന്ധനച്ചിലവ് പോലും തിരികെ കിട്ടാതെയായതോടെ പലരും ബോട്ടുകള്‍ കടലിലിറക്കാതെയായിരുന്നു. ഇതിനിടയിലാണ് ചെമ്മീന്‍ ചാകരയുണ്ടായത്. യന്ത്രവല്‍കൃത ചെറുവള്ളങ്ങള്‍ക്കും ബോട്ടുകള്‍ക്കുമാണ് കൈനിറയെ ചെമ്മീന്‍ ലഭിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss