|    Oct 18 Wed, 2017 10:28 pm
FLASH NEWS

പൊതുവേദിയില്‍ സ്ത്രീകളെ അപമാനിച്ച എംഎല്‍എക്കെതിരെ കേസ്‌

Published : 8th March 2016 | Posted By: sdq

telugu-actor-balakrishna

ഹൈദരാബാദ്: പൊതുവേദിയില്‍ സ് ത്രീകളെ അപമാനിച്ചതിന് തെലുങ്ക് ദേശം പാര്‍ട്ടി എംഎല്‍എയും സിനിമാ നടനുമായ എന്‍ ബാലകൃഷ്ണക്കെതിരെ കേസ്.
വെള്ളിയാഴ്ച ഹൈദരാബാദില്‍ നടന്ന സാവിത്രി എന്ന സിനിമയുടെ ഗാനം പുറത്തിറക്കുന്ന ചടങ്ങില്‍ ബാലകൃഷ്ണ നടത്തിയ പരാമര്‍ശമാണ് പരാതിക്ക് കാരണം.
സിനിമയില്‍ താന്‍ ഒരു സ്ത്രീയെ ചുംബിക്കുകയോ ഗര്‍ഭിണിയാക്കുകയോ ചെയ്യാതെ കേവലം ഒരു സ്ത്രീയെ വിരട്ടുന്ന ഒരു രംഗം തന്റെ ആരാധകര്‍ക്ക് സ്വീകാര്യമാവുകയില്ലെന്നായിരുന്നു ബാലകൃഷ്ണ പറഞ്ഞത്. ഇതിനെതിരെ ശക്തമായ പ്രതിഷേധമാണ് ഇവിടെ ഉയര്‍ന്നിട്ടുള്ളത്.
അതേസമയം, നിയമവശങ്ങള്‍ പരിശോധിച്ച ശേഷമെ എഫ്.ഐ.ആര്‍ തയ്യാറാക്കുകയുള്ളുവെന്ന് പോലീസ് വ്യക്തമാക്കി.
ഹിന്ദ്പുരില്‍ നിന്നുള്ള ടി.ഡി.പി എംല്‍എയായ ബാലകൃഷ്ണ, ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവിന്റെ സഹോദരി ഭര്‍ത്താവും നായിഡുവിന്റെ മകന്‍ ലോകേഷിന്റെ ഭാര്യയുടെ പിതാവുമാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക