|    Dec 16 Sun, 2018 7:39 am
FLASH NEWS
Home   >  Todays Paper  >  Page 5  >  

പൊതുവിദ്യാഭ്യാസ വകുപ്പില്‍ ഫയല്‍ ഓഡിറ്റിങ് സംവിധാനം നടപ്പാക്കും

Published : 28th June 2018 | Posted By: kasim kzm

തിരുവനന്തപുരം: അധ്യാപക നിയമന അംഗീകാരം ഉള്‍പ്പെടെ ദീര്‍ഘകാലമായി തീര്‍പ്പാവാതെ കിടക്കുന്ന ഫയലുകള്‍ തീര്‍പ്പാക്കാന്‍ പൊതു വിദ്യാഭ്യാസ വകുപ്പ് ഫയല്‍ ഓഡിറ്റ് സംവിധാനം നടപ്പാക്കുന്നു. ഒരു വര്‍ഷത്തിലേറെ പഴക്കമുളള മുഴുവന്‍ ഫയലുകളും വരുന്ന ആറു മാസത്തിനുളളില്‍ തീര്‍പ്പാക്കുകയാണു ലക്ഷ്യം.
പൊതു വിദ്യാഭ്യാസ വകുപ്പിന്റെ കീഴില്‍ നാല് തലങ്ങളില്‍ നാലു ഘട്ടങ്ങളായാണു ഫയല്‍ ഓഡിറ്റ് നടത്തുന്നത്. ഉപജില്ലാ വിദ്യാഭ്യാസ ഓഫിസ്, ജില്ലാ വിദ്യാഭ്യാസ ഓഫിസ്, വിദ്യാഭ്യാസ ഉപഡയറക്ടര്‍ ഓഫിസ്, പൊതു വിദ്യാഭ്യാസ ഡയറക്ടര്‍ ഓഫിസ് എന്നിവയാണ് നാലുതലങ്ങള്‍. ഒന്നാം പാദ ഓഡിറ്റ് ജൂലൈയിലും രണ്ടാം പാദ ഓഡിറ്റ് ഒക്‌ടോബറിലും മൂന്നാം പാദ ഓഡിറ്റ് 2019 ജനുവരിയിലും നാലാം പാദഓഡിറ്റ് 2019 ഏപ്രിലും നടക്കും.
ഉപജില്ലാ വിദ്യാഭ്യാസ ഓഫിസുകളില്‍ ജില്ലാവിദ്യാഭ്യാസ ഓഫിസില്‍ നിന്നുളള ടീം അംഗങ്ങളും ജില്ലാ വിദ്യാഭ്യാസ ഓഫിസുകളില്‍ വിദ്യാഭ്യാസ ഉപഡയറക്ടര്‍ ഓഫിസില്‍ നിന്നുള്ള ടീം അംഗങ്ങളും വിദ്യാഭ്യാസ ഉപഡയറക്ടര്‍ ഓഫിസുകളില്‍ പൊതു വിദ്യാഭ്യാസ ഡയറക്ടര്‍ ഓഫിസില്‍ നിന്നുള്ള ടീം അംഗങ്ങളും ഓഡിറ്റ് നടത്തും.
വിദ്യാഭ്യാസ ഡയറക്ടര്‍ ഓഫിസില്‍ അതേ ഓഫിസില്‍ തന്നെയുള്ള ഒരു ഹയര്‍ലെവല്‍ ടീം ആയിരിക്കും ഓഡിറ്റ് നടത്തുക. ഫയല്‍ ഓഡിറ്റ് സംസ്ഥാനതല ശില്‍പശാല വിദ്യാഭ്യാസ മന്ത്രി സി രവീന്ദ്രനാഥ് ഉദ്ഘാടനം ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss