|    Jan 19 Thu, 2017 4:27 pm
FLASH NEWS

പൊതുമേഖലാ ബാങ്കുകളില്‍ സ്ഥാനകയറ്റത്തിന് സംവരണം വേണ്ട: സുപ്രിംകോടതി

Published : 9th January 2016 | Posted By: swapna en

ന്യൂഡല്‍ഹി: പൊതുമേഖല ബാങ്കുകളിലെ സ്ഥാനകയറ്റത്തിന് സംവരണം വേണ്ടെന്ന് സുപ്രിംകോടതി. ഇതു സംബന്ധിച്ച തീരുമാനം ബാങ്കുകള്‍ക്കും സര്‍ക്കാരിനും സ്വീകരിക്കാമെന്നും കോടതി വ്യക്തമാക്കി.
പട്ടികവിഭാഗങ്ങളില്‍ പെട്ടവര്‍ക്ക് സ്ഥാനക്കയറ്റത്തിന് സംവരണം ഏര്‍പ്പെടുത്തിയ മദ്രാസ് ഹൈക്കോടതി വിധി റദ്ദാക്കിയാണ് സുപ്രീംകോടതിയുടെ പുതിയ ഉത്തരവ്.
പൊതുമേഖലാ ബാങ്കുകളിലെ ഉന്നത തസ്തികകളിലേക്കുള്ള സ്ഥാനക്കയറ്റത്തില്‍ ഡെപ്യൂട്ടി ജനറല്‍ മാനേജര്‍വരെയുള്ള തസ്തികകളില്‍ പട്ടിക വിഭാഗക്കാര്‍ക്ക് സ്ഥാനക്കയറ്റത്തിന് സംവരണം നല്‍കണമെന്ന് സുപ്രീം കോടതി വിധിച്ചിരുന്നു. ഇത് മദ്രാസ് ഹൈക്കോടതി വിധി പരിശോധിച്ച ശേഷമായിരുന്നു. കഴിഞ്ഞ വര്‍ഷം ക്ലാസ് ഏഴിന് മുകളിലുള്ള തസ്തികകളില്‍ ഇത് ബാധകമല്ലെന്നും കോടതി വ്യക്തമാക്കിയിരുന്നു. ഈ വിധി പുനപരിശോധിക്കണമെന്നാവശ്യപ്പെട്ട് ബാങ്കുകള്‍ സമര്‍പിച്ച ഹര്‍ജിയിലാണ് ഇന്നത്തെ ഉത്തരവ്.
നിലവില്‍ ക്ലാര്‍ക്ക് തസ്തികയില്‍ നിന്ന് ഓഫീസര്‍ തസ്തിക വരെയുള്ള സ്ഥാനകയറ്റത്തിന് കേന്ദ്ര സര്‍ക്കാരിന്റെ സംവരണ വ്യവസ്ഥകളാണ് പൊതുമേഖലാ ബാങ്കുകള്‍ പിന്തുടരുന്നത്.

Share on FacebookShare on Google+Tweet about this on TwitterShare on LinkedIn
(Visited 62 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക