|    May 28 Sun, 2017 8:54 am
FLASH NEWS

പൊതുമുതല്‍ ദുര്‍വിനിയോഗം: നെതന്യാഹുവിന്റെ ഭാര്യയെ ചോദ്യംചെയ്തു

Published : 2nd January 2016 | Posted By: SMR

ജെറുസലേം: പൊതുമുതല്‍ സ്വകാര്യാവശ്യങ്ങള്‍ക്ക് വിനിയോഗിച്ചുവെന്ന ആരോപണത്തെത്തുടര്‍ന്ന് ഇസ്രായേല്‍ പ്രധാനമന്ത്രി നെതന്യാഹുവിന്റെ ഭാര്യ സാറ നെതന്യാഹുവിനെ പോലിസ് ചോദ്യംചെയ്തു.
തീരദേശനഗരമായ കിസാരിയയിലെ വീട്ടിലേക്കു ഫര്‍ണിച്ചര്‍ വാങ്ങാന്‍ പൊതുമുതല്‍ വിനിയോഗിച്ചെന്നാണു പരാതി. തലസ്ഥാനമായ തെല്‍അവീവിലെ പോലിസ് ആസ്ഥാനത്തു വിളിച്ചുവരുത്തിയാണ് ഇവരെ ചോദ്യംചെയ്തത്. ഇസ്രായേലില്‍ പൊതുമുതല്‍ ദുര്‍വിനിയോഗം ചെയ്യുന്നതിന് അന്വേഷണം നേരിടുന്ന ആദ്യവനിതയാണ് സാറ നെതന്യാഹു. നെതന്യാഹു പ്രസിഡന്റായിരിക്കെ പൊതുമുതല്‍ ഉപയോഗിച്ച് ഇവരുടെ പിതാവിനുവേണ്ടി കാര്‍ വാങ്ങിയെന്ന് ഇവര്‍ക്കെതിരേ നേരത്തേ ആരോപണമുയര്‍ന്നിരുന്നു.
നെതന്യാഹു-സാറ ദമ്പതികള്‍ പൊതുമുതല്‍ ദുര്‍വിനിയോഗം ചെയ്യുന്നുവെന്ന ഔദ്യോഗിക റിപോര്‍ട്ടിനെത്തുടര്‍ന്നാണ് അന്വേഷണം. തന്റെ വളര്‍ത്തുനായയുടെ ഭക്ഷണച്ചെലവ് പൊതുഖജനാവില്‍ നിന്ന് വിനിയോഗിക്കാന്‍ നെതന്യാഹു നിര്‍ദേശം നല്‍കിയതായി കഴിഞ്ഞയാഴ്ച ഇസ്രായേല്‍ മാധ്യമങ്ങള്‍ റിപോര്‍ട്ട് ചെയ്തിരുന്നു. എന്നാല്‍, ആരോപണം പ്രതിപക്ഷം കെട്ടിച്ചമച്ചതാണെന്നും മാധ്യമവേട്ടയുടെ ഇരയാണ് തങ്ങളെന്നും നെതന്യാഹു പ്രതികരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day