|    Sep 20 Thu, 2018 4:43 pm
FLASH NEWS
Home   >  Todays Paper  >  Page 4  >  

പൊതുപ്രവര്‍ത്തകര്‍ ഉള്‍പ്പെട്ട കേസുകള്‍ വേഗം തീര്‍പ്പാക്കണം: ഹൈക്കോടതി

Published : 27th April 2018 | Posted By: kasim kzm

കൊച്ചി: പൊതുപ്രവര്‍ത്തകര്‍ ഉള്‍പ്പെട്ട കേസുകള്‍ ലോകായുക്തയില്‍ തീര്‍പ്പാവാതെ കിടക്കുന്നത് അവരെ പ്രതികൂലമായി ബാധിക്കുമെന്നും ഇത്തരം കേസുകള്‍ വേഗം തീര്‍പ്പാക്കണമെന്നും ഹൈക്കോടതി. തനിക്കെതിരേ ലോകായുക്തയിലുള്ള കേസ് അനിശ്ചിതമായി വൈകുന്നതിനെതിരേ ഒല്ലൂര്‍ മുന്‍ എംഎല്‍എ എം പി വിന്‍സെന്റ് നല്‍കിയ ഹരജിയിലാണ് ഇക്കാര്യം വ്യക്തമാക്കിയത്. റെയില്‍വേ ജോലി വാഗ്ദാനം ചെയ്ത് തട്ടിപ്പു നടത്തിയെന്നാരോപിച്ച് ഹരജിക്കാരനെതിരേ 2014ല്‍ നല്‍കിയ കേസാണ് നിലവിലുള്ളത്. പാലക്കാട് എസ്പിയുടെ അന്വേഷണത്തില്‍ കേസുമായി തനിക്ക് ബന്ധമില്ലെന്ന് കണ്ടെത്തിയെന്നും കേസ് തീര്‍പ്പാക്കാതെ വൈകുന്നത് പ്രതികൂലമായി ബാധിക്കുന്നെന്നുമാണ്  ഹരജിയില്‍ പറയുന്നത്. 2014ലെ പരാതിയാണെങ്കിലും കഴിഞ്ഞ മാര്‍ച്ച് ഏഴിനാണ് റിപോര്‍ട്ട് ലോകായുക്തയ്ക്ക് സമര്‍പ്പിച്ചതെന്ന് ഹൈക്കോടതി വിലയിരുത്തി. ചില കക്ഷികള്‍ ഹാജരാവാന്‍ വൈകിയതടക്കമുള്ള കാരണങ്ങളാലാണ് കേസ് നടപടികള്‍ വൈകിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss