|    Nov 12 Mon, 2018 11:14 pm
FLASH NEWS

പൊതുകിണറിനടുത്ത് ശുചിമുറി; പഞ്ചായത്തിന് പരാതി നല്‍കി

Published : 4th June 2017 | Posted By: fsq

 

മാള: പൊതുകിണര്‍ മലിനീകരണം തടയണമെന്നാവശ്യപ്പെട്ട് പൊയ്യ ഗ്രാമപ്പഞ്ചായത്ത് ഭരണ സമിതിക്ക് പരാതി നല്‍കി. പൊയ്യ ഗ്രാമപ്പഞ്ചായത്തില്‍ പെട്ട വട്ടക്കോട്ട കനകക്കുന്നിലേക്ക് തിരിയുന്ന മൂന്നുംകൂടിയ വളവിലുള്ള പൊതുകിണറിനു സമീപം കിണര്‍ വെള്ളം മലിനീകരിക്കാന്‍ ഇടയാകുന്ന വിധം സ്വകാര്യ വ്യക്തി നിര്‍മിച്ച ശുചിമുറി പൊളിച്ച് നീക്കി മലിനീകരണം തടയണമെന്നാവശ്യപ്പെട്ടാണ് പൊയ്യ ഗ്രാമപ്പഞ്ചായത്ത് ഭരണ സമിതിക്ക് മാള പ്രതികരണ വേദി പ്രസിഡന്റ് സലാം ചൊവ്വര പരാതി നല്‍കിയത്. വാടകക്ക് കൊടുത്തിരിക്കുന്നതും സ്വകാര്യ വ്യക്തിയുടെ വീട്ടില്‍ താമസിക്കുന്നതുമായ ഇതര സംസ്ഥാന തൊഴിലാളികളുകളുടെ ആവശ്യത്തിനായിട്ടാണ് പൊതുകിണറിന് സമീപം ശുചിമുറി നിര്‍മിച്ചത്. നിരവധി ആളുകള്‍  കുളിക്കുകയും വസ്ത്രം കഴുകുകയും ചെയ്യുന്നത് മൂലമുണ്ടാകുന്ന അഴുക്ക് വെള്ളം കിണറിലേക്ക് തന്നെ ഊര്‍ന്നിറങ്ങി പൊതുകിണര്‍ വെള്ളം  മലിനീകരണ സാധ്യത തടയണമെന്നും പരാതിയില്‍ ആവശ്യപ്പെട്ടു. ഇരുപതോളം കുടുംബങ്ങ ള്‍ കുടിവെള്ളത്തിനായി ആശ്രയിക്കുന്ന പൊതുകിണര്‍ മലിനീകരിക്കും വിധം നിര്‍മിച്ച ശുചിമുറി പൊളിച്ച് നീക്കണമെന്ന് പ്രദേശവാസികള്‍ വീട്ടുടമയോട് ആവശ്യപ്പെട്ടിടും ഉടമ അതിന് തയ്യാറാവാത്ത സാഹചര്യത്തിലാണ് നാട്ടുകാരുടെ ആവശ്യപ്രകാരം മാള പ്രതികരണവേദി ഈ ആവശ്യവുമായി പൊയ്യ ഗ്രാമപ്പഞ്ചായത്ത് ഭരണ സമിതിക്ക് പരാതി നല്‍കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss