|    Dec 17 Mon, 2018 8:55 am
FLASH NEWS

പൈപ്പിടാന്‍ എടുത്ത കുഴിയില്‍ കെഎസ്ആര്‍ടിസി ബസ് വീണ്ടും താഴുന്നു എടത്വ: പൈപ്പിടാന്‍ എടുത്ത കുഴിയില്‍ കെഎസ്ആര്‍ടിസി ബസ് വീണ്ടും താഴുന്നു. ചങ്ങനാശ്ശേരിയില്‍ നിന്നും എടത്വയിലേക്ക് നിരവധി യാത്രക്

Published : 8th June 2018 | Posted By: kasim kzm

കാരുമായി വന്ന ബസാണ് കിടങ്ങറ നീരേറ്റുപുറംറൂട്ടില്‍ സെന്റ് തോമസ് സ്‌കൂളിനു സമീപം രാത്രി ഏഴോടെയാണ് താഴ്ന്നത്. എടത്വ ഡിപ്പോയില്‍ നിന്നും മൊബൈല്‍ വര്‍ക്ക്‌ഷോപ്പ് വാഹനം എത്തി കയറ്റാന്‍ശ്രമിച്ചിട്ടും സാധിച്ചില്ല.
ബസിന്റെ ബംബര്‍ വരെ താഴുന്ന് കുടുങ്ങിയതിനാല്‍ഒടുവില്‍ മുറിച്ചുമാറ്റിയ ശേഷം ഒന്‍പതുമണിയാടെയാണ് കയറ്റിയത്. യാത്രക്കാര്‍ ഒരുകിലോമീറ്റര്‍ സഞ്ചരിച്ച് ചക്കുളത്തു കാവ് ജങ്ഷനില്‍ എത്തുകയായിരുന്നു. ഇതേതുടര്‍ന്ന് മൂന്നു മണിക്കൂര്‍ നേരം ഗതാഗതം തടസപെട്ടു.
കഴിഞ്ഞ ദിവസം എടത്വയില്‍ നിന്നും ചങ്ങനാശേരിയിലേക്കു പോയ ബസ് പോലിസ് സ്‌റ്റേഷനു സമീപം കുഴിയില്‍ താഴ്ന്നിരുന്നു. മഴക്കാലം ആരംഭിച്ചതോടെ ഇത് നിത്യ സംഭവമാകുകയാണ്. റോഡായ റോഡിലെല്ലാം ഒരുവശത്ത് പൈപ്പിടുന്നതിനും, ടെലിഫോണ്‍ കേബിളിടുന്നതിനും കുഴിയെടുത്തിരിക്കുകയാണ്. വെള്ളപ്പൊക്കത്തിനു മുന്‍പെങ്കിലും കുഴികള്‍ മൂടി ഉറപ്പിച്ചില്ലെങ്കില്‍ എന്നും ഇതാവും അവസ്ഥ.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss