|    Jan 24 Tue, 2017 12:24 am

പേരറിവാളനെ മോചിപ്പിക്കണമെന്നാവശ്യപ്പെട്ട് അര്‍പുതമ്മാള്‍ ജയലളിതയ്ക്ക് ഹരജി സമര്‍പ്പിച്ചു

Published : 7th January 2016 | Posted By: G.A.G

Arputhammal

ചെന്നൈ: രാജീവ് ഗാന്ധി വധക്കേസില്‍ തടവില്‍ക്കഴിയുന്ന  പേരറിവാളനെ മോചിപ്പിക്കണമെന്നാവശ്യപ്പെട്ട് മാതാവ് അര്‍പുതമ്മാള്‍ തമിഴ്‌നാട് മുഖ്യമന്ത്രി ജയലളിതയ്ക്ക് ഹരജി സമര്‍പ്പിച്ചു. ശിക്ഷവിധിക്കപ്പെട്ടവര്‍ക്ക് മാപ്പുനല്‍കാന്‍ ഗവര്‍ണര്‍ക്ക് പ്രത്യേക അധികാരം നല്‍കുന്ന ഭരണഘടനയുടെ 161ാം വകുപ്പനുസരിച്ച് തന്റെ മകനെ മോചിപ്പിക്കണമെന്നാണ് അര്‍പുതമ്മാള്‍ ആവശ്യപ്പെട്ടിട്ടുള്ളത്. തന്നെ മോചിപ്പിക്കണമെന്നാവശ്യപ്പെട്ട്് പേരറിവാളന്‍ കഴിഞ്ഞദിവസം തമിഴ്‌നാട് ഗവര്‍ണര്‍ക്ക് കത്തയച്ചിരുന്നു. ഇക്കാര്യത്തില്‍ പിന്തുണതേടിയാണ് ജയലളിതയ്ക്ക് അര്‍പുതമ്മാള്‍ ഹരജിനല്‍കിയത്. ഈ മാസം 17ന് തമിഴ്‌നാട് മുന്‍മുഖ്യമന്ത്രി എംജിആറിന്റെ നൂറാം ജന്‍മവാര്‍ഷികദിനമാണ്. ഈയവസരത്തില്‍ 25 വര്‍ഷമായി ജയിലില്‍ കഴിയുന്ന തന്റെ മകനെ മോചിപ്പിക്കണമെന്നാണ് അവര്‍ ആവശ്യപ്പെട്ടിട്ടുള്ളത്.

Share on FacebookShare on Google+Tweet about this on TwitterShare on LinkedIn
(Visited 72 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക