|    Jul 26 Wed, 2017 2:36 pm
FLASH NEWS

പെരിനാട് വീടുകള്‍ക്കുനേരെ വ്യാപക അക്രമം

Published : 10th November 2015 | Posted By: SMR

കുണ്ടറ: പെരിനാട് വീടുകള്‍ക്കു നേരെ നടന്ന വ്യാപക അക്രമത്തില്‍ പ്രതിഷേധിച്ച് എല്‍ഡിഎഫ് ഹര്‍ത്താല്‍ ആചരിച്ചു. സിപിഎം കുണ്ടറ ഏരിയ സെക്രട്ടറിയുടേയും പെരിനാട് പഞ്ചായത്തിലെ ചന്ദനത്തോപ്പ് കുഴിയം വാര്‍ഡുകളില്‍ മല്‍സരിച്ച സിപിഎം സ്ഥാനാര്‍ഥികളുടേയും വീടുകള്‍ക്കു നേരെയാണ് ഞാറാഴ്ച രാത്രിയില്‍ ആക്രമണം നടന്നത്.
ഏരിയാ സെക്രട്ടറി എസ് എല്‍ സജീകുമാറിന്റെ ചെറുമൂട്ടിലെ വീടിനുനേരെ രാത്രി 10.30ന് ബൈക്കിലെത്തിയ സംഘം കല്ലെറിയുകയായിരുന്നു. തുടര്‍ന്ന് ചന്ദനത്തോപ്പ് വാര്‍ഡില്‍ മല്‍സരിച്ച് വിജയിച്ച സിപിഎം സ്ഥാനാര്‍ഥി മനോജിന്റെ വീടിനു നേരെയും കുഴിയം വാര്‍ഡില്‍ പരാജയപ്പെട്ട സ്ഥാനാര്‍ഥി മനോജ്കുമാറിന്റെ വീടിനു നേരെയും കല്ലേറുണ്ടായി. ബൈക്കിലെത്തിയ സംഘമാണ് ഇവിടെയും ആക്രമണം നടത്തിയതെന്ന് നാട്ടുകാര്‍ പറയുന്നു. ആക്രമണത്തിന് പിന്നില്‍ പെരിനാട് പഞ്ചായത്തില്‍ പരാജയപ്പെട്ട ആര്‍എസ്എസ്, ബിജെപി പ്രവര്‍ത്തകരാണെന്ന് നേതാക്കള്‍ ആരോപിച്ചു. സംഭവത്തില്‍ പ്രതിഷേധിച്ച് പെരിനാട് പഞ്ചായത്തില്‍ എല്‍ഡിഎഫ് ഹര്‍ത്താല്‍ ആചരിച്ചു. എല്‍ഡിഎഫ് പ്രവര്‍ത്തകര്‍ ചെറുമൂട്ടില്‍ പ്രതിഷേധപ്രകടനം നടത്തുകയും റോഡ് ഉപരോധിക്കുകയും ചെയ്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക