|    Jun 22 Fri, 2018 7:33 am
FLASH NEWS
Home   >  Sports  >  Football  >  

പെപ് ഗാര്‍ഡിയോള മാഞ്ചസ്റ്റര്‍ സിറ്റിയുമായി കരാര്‍ പുതുക്കി

Published : 18th May 2018 | Posted By: vishnu vis


ലണ്ടന്‍: പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിയെ കിരീടത്തിലേക്കെത്തിച്ച പരിശീലകന്‍ പെപ് ഗാര്‍ഡിയോള സിറ്റിയുമായി കരാര്‍ പുതുക്കി. മൂന്ന് വര്‍ഷം കൂടി സിറ്റിയുടെ പരിശീലകനായി തുടരനാനുള്ള കരാറിലാണ് ഗാര്‍ഡിയോള ഒപ്പുവച്ചത്. 2016-17 സീസണില്‍ സിറ്റിയിലേക്കെത്തിയ പെപ് ഗാര്‍ഡിയോളക്ക് ആദ്യ സീസണില്‍ ടീമിനെ മികച്ച പ്രകടനത്തിലേക്കെത്തിക്കാനായില്ലെങ്കിലും ഈ സീസണില്‍ ടീമിനെ ചാംപ്യന്‍മാരാക്കി. പ്രീമിയര്‍ ലീഗിന്റെ ചരിത്രത്തില്‍ത്തന്നെ ഏറ്റവും മികച്ച പ്രകടനത്തോടെയായിരുന്നു സിറ്റിയുടെ കിരീട നേട്ടം. ഏറ്റവും കൂടുതല്‍ പോയന്റുകള്‍, ഏറ്റവും കൂടുതല്‍ ഗോളുകള്‍, ഏറ്റവും കൂടുതല്‍ തുടര്‍ജയങ്ങള്‍, ഏറ്റവും കൂടുതല്‍ ജയങ്ങള്‍ തുടങ്ങി നിരവധി റെക്കോഡുകള്‍ പെപ് ഈ സീസണില്‍ സ്വന്തമാക്കിയിരുന്നു. 20മില്യണ്‍ ആണ് പെപ് ഗ്വാഡിയോളയുടെ പുതിയ കരാര്‍ തുക എന്നാണ് റിപോര്‍ട്ടുകളുള്ളത്. അങ്ങനെയായാല്‍ ലോകത്തിലെ ഏറ്റവും കൂടുതല്‍ പ്രതിഫലം പറ്റുന്ന പരിശീലകനായി ഗാര്‍ഡിയോള മാറും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss