|    Jun 22 Fri, 2018 2:58 am
FLASH NEWS
Home   >  Todays Paper  >  Page 1  >  

പെട്രോള്‍-ഡീസല്‍ വില വീണ്ടും വര്‍ധിപ്പിച്ചു

Published : 16th November 2015 | Posted By: SMR

ന്യൂഡല്‍ഹി: രാജ്യത്ത് പെട്രോള്‍-ഡീസല്‍ വില വീണ്ടും വര്‍ധിപ്പിച്ചു. പെട്രോളിന് ലിറ്ററിന് 36 പൈസയും ഡീസലിന് 87 പൈസയുമാണു വര്‍ധിപ്പിച്ചത്. പുതിയ നിരക്ക് ഇന്നലെ അര്‍ധരാത്രി മുതല്‍ നിലവില്‍ വന്നു. ഈ മാസം ആദ്യവും രാജ്യത്ത് എണ്ണവില വര്‍ധിപ്പിച്ചിരുന്നു. കഴിഞ്ഞ ഒക്ടോബറിന് ശേഷം ഇതു മൂന്നാംതവണയാണ് ഡീസലിന് വില വര്‍ധിപ്പിക്കുന്നത്.
ഡല്‍ഹിയില്‍ ലിറ്ററിന് നിലവില്‍ 60.70 രൂപയായിരുന്നത് ഇന്നലെ അര്‍ധരാത്രി മുതല്‍ 61.06 രൂപയായി ഉയര്‍ന്നതായി ഇന്ത്യന്‍ ഓയില്‍ കോര്‍പറേഷന്‍ അറിയിച്ചു. ഡീസല്‍ ലിറ്ററിന് 45.93 രൂപയായിരുന്നത് 46.80 രൂപയായി ഉയര്‍ന്നു. അവസാനമായി പെട്രോള്‍ വില വര്‍ധിപ്പിച്ചത് ജൂലൈ 16നായിരുന്നു. അന്ന് 32 പൈസയാണ് വര്‍ധിപ്പിച്ചത്. എന്നാല്‍, ഡീസലിന് ഒക്ടോബര്‍ ഒന്നിന് 50 പൈസയും ഒക്‌ടോബര്‍ 16ന് 95 പൈസയും വര്‍ധിപ്പിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss