|    Aug 20 Sun, 2017 3:16 pm
FLASH NEWS
Home   >  Todays Paper  >  page 7  >  

പുസ്തക നിരോധനത്തിനെതിരേ തമിഴ് എഴുത്തുകാരന്‍ കോടതിയില്‍

Published : 7th June 2017 | Posted By: fsq

 

ചെന്നൈ: പുസ്തകം നിരോധിച്ച സര്‍ക്കാര്‍ വിജ്ഞാപനം റദ്ദാക്കണമെന്നാവശ്യപ്പെട്ട് എഴുത്തുകാരന്‍ മദ്രാസ് ഹൈക്കോടതിയെ സമീപിച്ചു. “മധുരൈ വീരന്‍ ഉണ്‍മൈ വരളര്‍’ (മധുരൈ വീരന്റെ യഥാര്‍ഥ ചരിത്രം) എന്ന പുസ്തകത്തിന്റെ രചയിതാവ് കുളന്തൈ രാജ് ആണ് തന്റെ പുസ്തകത്തിന്റെ നിരോധനം നീക്കണമെന്നാവശ്യപ്പെട്ട് ഹൈക്കോടതിയെ സമീപിച്ചത്. ഹരജിയില്‍ ആറാഴ്ചയ്ക്കകം ആഭ്യന്തര സെക്രട്ടറി പ്രതികരണം അറിയിക്കണമെന്ന് ഹൈക്കോടതി ജസ്റ്റിസ് എം ദൊരൈ സ്വാമി നിര്‍ദേശിച്ചു. പുസ്തകത്തില്‍ ചില സമുദായങ്ങളെ കുറിച്ച് മോശം പരാമര്‍ശങ്ങളുണ്ടെന്നും അത് സമൂഹത്തില്‍ ശത്രുതയ്ക്കും വര്‍ഗീയതയ്ക്കും കാരണമാവുമെന്നുമാരോപിച്ചായിരുന്നു 2015ല്‍ തമിഴ്‌നാട് സര്‍ക്കാര്‍ പുസ്തകം നിരോധിച്ചത്. എന്നാല്‍, പുസ്തകത്തില്‍ ചരിത്ര ഗവേഷണങ്ങളുടെ അടിസ്ഥാനത്തില്‍ കണ്ടെത്തിയ വിവരങ്ങളാണെന്നും മറ്റു സമുദായങ്ങളെ അധിക്ഷേപിക്കുന്നവിധം യാതൊന്നും ഇല്ലെന്നും കുളന്തൈ രാജ് പറഞ്ഞു. തിരുച്ചിറപ്പള്ളിയിലെ ആദി തമിഴര്‍ പേരവൈ എന്ന പ്രസാധകര്‍, ഈ പുസ്തകത്തിന്റെ 2000 കോപ്പികള്‍ പ്രസിദ്ധീകരിച്ച് വിറ്റിരുന്നു. ഇതിനു ശേഷമാണ് സര്‍ക്കാര്‍ ഉത്തരവ് വന്നത്. നിരോധനം റദ്ദാക്കാനും പുസ്തകം പ്രസിദ്ധീകരിക്കാനും പ്രകാശനം ചെയ്യാനും അനുവദിക്കണമെന്നും കുളന്തൈ രാജ് ഹരജിയില്‍ അഭ്യര്‍ഥിച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക