|    Feb 20 Tue, 2018 1:29 pm
FLASH NEWS

പുനലൂര്‍-പൊന്‍കുന്നം റോഡില്‍ കേബിള്‍കുഴി ശരിയായി മൂടിയില്ല

Published : 11th May 2017 | Posted By: fsq

 

പത്തനംതിട്ട: പുനലൂര്‍-പൊന്‍കുന്നം റോഡില്‍ കേബിള്‍ ഇടാന്‍ എടുത്ത കുഴികള്‍ ശരിയായി മൂടിയില്ല. വേനല്‍മഴ ശക്തമായതോടെ കുഴി മൂടാന്‍ ഇട്ട മണ്ണ് ഒലിച്ച് പോയി. മിക്കയിടത്തും കുഴി പഴയനിലയായി. ഒരാഴ്ചയായി കേബിള്‍ ഇടുന്ന ജോലികള്‍ നടന്നുവരികയാണ്. കുഴി ശരിയായി മൂടാത്തത് അപകടങ്ങള്‍ ഉണ്ടാക്കുന്നു. കഴിഞ്ഞ ദിവസം മക്കപ്പുഴയില്‍ കെഎസ്ആര്‍ടിസി ബസ് തോട്ടിലേക്ക് ചെരിഞ്ഞിരുന്നു. എതിരെ വന്ന വാഹനം കേബിള്‍കുഴിയില്‍ വീഴാതെ വെട്ടിച്ചപ്പോഴാണ് ബസ് അരികിലേക്ക് ഒതുക്കുകയും അപകടം ഉണ്ടാവുകയും ചെയ്തത്. യാത്രക്കാരെ ഡ്രൈവറുടെ ഡോര്‍ വഴിയാണ് ഇറക്കിയത്. രാത്രി ഇരുചക്രവാഹനങ്ങളും കാല്‍നടക്കാരും അപകടത്തില്‍പ്പെടുന്നു. സ്‌റ്റോപ്പുകളില്‍ ബസ്സിറങ്ങുന്നവര്‍ പലപ്പോഴും കുഴിയിലേക്കാണ് വീഴുന്നത്.വാഹനങ്ങള്‍ ഒതുക്കിയാല്‍ കുഴിയില്‍ പോവുമെന്ന് ഇരുചക്രയാത്രക്കാര്‍ പറയുന്നു.              കേബിള്‍ കുഴികളുടെ സ്ഥിതി പരിശോധിച്ച് നടപടി എടുക്കാമെന്ന് എക്‌സിക്യൂട്ടീവ് എന്‍ജീനിയര്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss