|    Jun 18 Mon, 2018 5:37 am
FLASH NEWS

പുനര്‍നിര്‍മാണത്തിന് അഞ്ചുകോടി അനുവദിച്ചു

Published : 23rd April 2018 | Posted By: kasim kzm

നെടുമങ്ങാട്: നെടുമങ്ങാട് നഗരത്തെ എംസി റോഡുമായി ബന്ധിപ്പിക്കുന്ന വട്ടപ്പാറ റോഡിലെ വാളിക്കോട് പാലത്തിന് ശാപമോക്ഷം. ശോച്യാവസ്ഥയിലായ പാലം പുനര്‍നിര്‍മിക്കാന്‍ അഞ്ചുകോടി രൂപ അനുവദിച്ചതായി സി ദിവാകരന്‍ എംഎല്‍എ അറിയിച്ചു. നെടുമങ്ങാട്  വാളിക്കോട് നിവാസികളുടെ ചിരകാലാഭിലാഷമാണ് ഇതോടെ പൂവണിയുന്നത്. വട്ടപ്പാറ, പൂവത്തൂര്‍,കായ്പ്പാടി എന്നിവിടങ്ങളില്‍ നിന്നും എളുപ്പത്തില്‍ നെടുമങ്ങാട് ടൗണില്‍ എത്താന്‍ സഹായിക്കുന്ന പാലമാണ് വാളിക്കോട് പാലം. പാലം നിര്‍മിക്കുന്നതിനു മുമ്പ് ഇവിടത്തുകാര്‍ പത്തു കിലോമീറ്റര്‍ ദൂരം ചുറ്റി സഞ്ചരിച്ചാണ് നെടുമങ്ങാടില്‍ എത്തിയിരുന്നത്. കിള്ളിയാറിന്റെ മുകളില്‍ സ്ഥിതി ചെയ്യുന്ന പാലം വര്‍ഷങ്ങളായി കാടുകയറി ശോച്യാവസ്ഥയിലാണ്. പാലം പുതുക്കിപ്പണിയണമെന്ന നാട്ടുകാരുടെ ആവശ്യത്തിന് വര്‍ഷങ്ങളുടെ പഴക്കമുണ്ട്. നാട്ടുകാരുടെ നിരന്തര പരാതിയും എംഎല്‍എയുടെ അഭ്യര്‍ഥനയും മാനിച്ചാണ് പാലത്തിനായി അഞ്ചുകോടി അനുവദിച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss