|    Feb 20 Tue, 2018 3:30 pm
FLASH NEWS
Home   >  Todays Paper  >  page 11  >  

പുതു ചരിത്രമെഴുതി ഝുലാന്‍ ഗോസ്വാമി

Published : 10th May 2017 | Posted By: fsq

 

ന്യൂഡല്‍ഹി: മുന്‍ ഇന്ത്യന്‍ വനിതാ ക്രിക്കറ്റ് ക്യാപ്റ്റന്‍ ഝുലാന്‍ ഗോസ്വാമിക്ക് റെക്കോഡ്. വനിതകളുടെ ഏകദിനത്തില്‍ ഏറ്റവും കൂടുതല്‍ വിക്കറ്റ് നേടുന്ന താരമെന്ന റെക്കോഡാണ് ഗോസ്വാമി സ്വന്തം പേരിനൊപ്പം ചേര്‍ത്തത്. 180 വിക്കറ്റുകള്‍ നേടിയ ആസ്‌ത്രേലിയയുടെ കാത്രിന്‍ ഫിറ്റ്‌സ്പാട്രിക്കിന്റെ റെക്കോഡാണ് ഗോസ്വാമി തിരുത്തി എഴുതിയത്. 34കാരിയായ ഗോസ്വാമി ദക്ഷിണാഫ്രിക്കക്കെതിരായി നടന്നുകൊണ്ടിരിക്കുന്ന മൂന്നാം ഏകദിനത്തില്‍ മൂന്ന് വിക്കറ്റ് വീഴ്ത്തിയതോടെയാണ് പുതിയ റെക്കോഡിനര്‍ഹയായത്. നിലവില്‍ 153 മല്‍സരങ്ങളില്‍നിന്ന് 181 വിക്കറ്റുകളാണ് ഗോസ്വാമിക്കുള്ളത്. 2007ല്‍ ഐസിസിയുടെ മികച്ച വനിതാ താരമായി തിരഞ്ഞെടുക്കപ്പെട്ട ഇവരെ ഇന്ത്യ അര്‍ജുന അവാര്‍ഡ്, പത്മശ്രീ അവാര്‍ഡ് എന്നിവ നല്‍കി ആദരിച്ചിട്ടുണ്ട്. അന്താരാഷ്ട്ര ക്രിക്കറ്റില്‍ ആകെ 271 വിക്കറ്റുകളാണ് ഗോസ്വാമിയുടെ സമ്പാദ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss