|    Aug 18 Sat, 2018 2:25 pm
FLASH NEWS
Home   >  Todays Paper  >  Page 4  >  

പുതുവൈപ്പ്: എല്‍പിജി പ്ലാന്റിന് എതിരേ സമരം ശക്തമാക്കുന്നു

Published : 17th June 2018 | Posted By: kasim kzm

കൊച്ചി: ഐഒസിയുടെ നിര്‍ദിഷ്ട എല്‍പിജി സംഭരണ കേന്ദ്രം പുതുവൈപ്പില്‍ സ്ഥാപിക്കരുതെന്നാവശ്യപ്പെട്ട് എല്‍പിജി ടെര്‍മിനല്‍ വിരുദ്ധ ജനകീയ സമരസമിതി പ്രതിഷേധം ശക്തമാക്കുന്നു. സമരസമിതി പ്രവര്‍ത്തകര്‍ക്ക് നേരെ പോലിസ് നടത്തിയ അതിക്രമത്തിന്റെ ഒന്നാം വാര്‍ഷികത്തോടനുബന്ധിച്ച് ഇന്ന് പുതുവൈപ്പ് സമരപ്പന്തലില്‍ പ്രതിഷേധസംഗമം നടത്തും. നാളെ സെക്രട്ടേറിയേറ്റിനു മുമ്പില്‍ പുതുവൈപ്പിലെ അമ്മമാരുടെ പ്രതിഷേധധര്‍ണയുമുണ്ടാവുമെന്നും സമരസമിതി ചെയര്‍മാന്‍ എംബി ജയഘോഷ് വാര്‍ത്താസമ്മേളനത്തില്‍ അറിയിച്ചു. ഇന്നു രാവിലെ 10 മുതല്‍ വൈകീട്ട് മൂന്നുവരെയാണു പ്രതിഷേധസംഗമം. പുതുവൈപ്പ് സെന്റ് സെബാസ്റ്റ്യന്‍സ് പള്ളി വികാരി ഫാ. സിജോ ജോര്‍ജ് കുരിശുമൂട്ടില്‍ ഉദ്ഘാടനം ചെയ്യും. പരിസ്ഥിതി പ്രവര്‍ത്തകരും രാഷ്ട്രീയ, സാമൂഹി ക, സാമുദായിക രംഗങ്ങളിലെ പ്രമുഖരും പങ്കെടുക്കും. സെക്രട്ടേറിയറ്റിനു മുമ്പിലെ പ്രതിഷേധ ധര്‍ണ പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും. ആര്‍ച്ച്ബിഷപ് ഡോ. എം സൂസെപാക്യം, എംഎല്‍എമാര്‍, രാഷ്ട്രീയ, സാമൂഹിക, സാമുദായിക രംഗങ്ങളിലെ പ്രമുഖര്‍ സംസാരിക്കും. പുതുവൈപ്പിലെ നിര്‍ദിഷ്ട എല്‍പിജി പ്ലാന്റിനെതിരേ 2009 ലാണു സമരസമിതി പ്രതിഷേധം ആരംഭിച്ചത്. 2017 ഫെബ്രുവരി മുതല്‍ അനിശ്ചിതകാല ഉപരോധസമരം തുടങ്ങി. കഴിഞ്ഞവര്‍ഷം ജൂണ്‍ 14, 16, 18 തിയ്യതികളില്‍ സമരക്കാര്‍ക്കെതിരേ പോലിസ് നടത്തിയ ലാത്തി ച്ചാര്‍ജില്‍ സ്ത്രീകളും കുട്ടികളുമടക്കം നിരവധി പേര്‍ക്കാണു പരിക്കേറ്റത്. സമരം ശക്തിപ്പെടുന്നതിന്റെ ഭാഗമായി മുഖ്യമന്ത്രിക്കു നിവേദനം നല്‍കുമെന്നും സമരസമിതി നേതാക്കള്‍ അറിയിച്ചു. സമിതി കണ്‍വീനര്‍ കെ എസ് മുരളി, സമരസഹായ സമിതി കണ്‍വീനര്‍ സി ആര്‍ നീലകണ്ഠന്‍, സിജി ബിജു, ബിജു കണ്ണങ്ങനാട്ട് വാര്‍ത്താസമ്മേളനത്തില്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss