|    Feb 24 Sat, 2018 11:59 am
FLASH NEWS

പുതുവല്‍സരാഘോഷങ്ങളുടെ മറവില്‍ ഡി ജെ പാര്‍ട്ടികള്‍; അന്വേഷണം സജീവമാക്കി

Published : 30th December 2017 | Posted By: kasim kzm

ആലുവ: പുതുവത്സരാഘോഷങ്ങൂടെ മറവില്‍ ഡിജെ പാര്‍ട്ടികള്‍ കൊഴുപ്പിക്കാനുള്ള നീക്കത്തില്‍ പോലിസ് അന്വേഷണം ശക്തമാക്കി. ആലുവ മേഖലയിലെ ചില വന്‍കിട ബാര്‍ ഹോട്ടലുകളാണ് പുതുവത്സരാഘോഷങ്ങളുടെ മറവില്‍ ആഭാസ പരിപാടികളുമായി രംഗത്തുള്ളത്. ഇതില്‍ ആലുവ ദേശത്തെ  ഹോട്ടലാണ് മുന്‍പന്തിയിലുള്ളത്. ഇവര്‍ വലിയ തോതിലുള്ള പ്രചാരണം നടത്തിയാണ് പരിപാടിക്ക് ആളെ കൂട്ടുന്നത്. വലിയ ഫീസും ഇവര്‍ ഈടാക്കുന്നുണ്ട്. അടുത്തിടെ ഈ സ്ഥാപനത്തില്‍ നടന്ന വന്‍ ചീട്ടുകളി സംഘത്തെ പോലിസ് പിടികൂടിയിരുന്നു. പോലിസ് നടപടിക്ക് ശേഷം വന്‍തോതിലുള്ള ചൂതാട്ടം ഇവിടെ കുറവായിരുന്നു. എന്നാല്‍ ഇത് മറികടക്കുവാനാണ് ഇവരുടെ ശ്രമം. ഡിജെ പാര്‍ട്ടിയുടെ മറവില്‍ ചൂതാട്ടവും വ്യാപകമായി നടത്തുവാനുള്ള നീക്കമാണ് സ്ഥാപനങ്ങള്‍ നടത്തി വരുന്നത്. കഴിഞ്ഞവര്‍ഷം പോലീസിന്റെ നിതാന്ത ജാഗ്രത നിമിത്തം ആലുവ മേഖലയില്‍ പുതുവത്സരാഘോഷം തീര്‍ത്തും സമാധാനപരമായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss