|    May 22 Tue, 2018 10:03 am
FLASH NEWS
Home   >  Todays Paper  >  Page 4  >  

പുതുക്കാട് കുറുമാലിയില്‍ റെയില്‍വേ പാലത്തിലെപാളത്തില്‍ വിള്ളല്‍

Published : 29th June 2017 | Posted By: fsq

 

തൃശൂര്‍: പുതുക്കാട് കുറുമാലിയില്‍ റെയില്‍വേ പാലത്തിലെ പാളത്തില്‍ വിള്ളല്‍ കണ്ടെത്തി. ദുരന്തം ഒഴിവായത് തലനാരിഴയ്ക്ക്. കുറുമാലി പുഴയ്ക്ക് കുറുകെയുള്ള പാലത്തില്‍ എറണാകുളം ഭാഗത്തേക്ക് പോവുന്ന പാതയിലാണ് വിള്ളല്‍ കണ്ടെത്തിയത്. ഇന്നലെ രാവിലെ 7.30ഓടെ പട്രോളിങിനിടെയാണ് ജീവനക്കാര്‍ വിള്ളല്‍ കണ്ടെത്തിയത്. കീമാന്റെ അവസരോചിതമായ ഇടപെടലിനെ തുടര്‍ന്നാണ് വന്‍ ദുരന്തം ഒഴിവായത്. വിള്ളല്‍ ശ്രദ്ധയില്‍പെട്ട കീമാന്‍ കെ എം യാക്കോബ് പുതുക്കാട് സ്‌റ്റേഷനിലേക്ക് വിവരം അറിയിക്കുകയായിരുന്നു. തൊട്ടുപിന്നാലെ കടന്നു പോവേണ്ടിയിരുന്ന എറണാകുളം-ഗുരുവായൂര്‍ പാസഞ്ചര്‍ ട്രെയിന്‍ ഇതേതുടര്‍ന്ന് പുതുക്കാട് സ്‌റ്റേഷനില്‍ പിടിച്ചിടുകയായിരുന്നു. പിന്നീട് മെക്കാനിക്കല്‍ വിഭാഗം സ്ഥലത്തെത്തി അറ്റകുറ്റപ്പണികള്‍ നടത്തി ട്രെയിന്‍ ഗതാഗതം പുനഃസ്ഥാപിച്ചു. എറണാകുളം-ഗുരുവായൂര്‍ പാസഞ്ചര്‍ ട്രെയിന്‍ 15 മിനിറ്റോളം വൈകിയാണ് പുതുക്കാട് സ്‌റ്റേഷനില്‍ നിന്നും പുറപ്പെട്ടത്. വിള്ളലുണ്ടായതിനാല്‍ 20 കിലോമീറ്റര്‍ വേഗത്തിലാണ് ഇപ്പോള്‍ ട്രെയിനുകള്‍ കടത്തിവിടുന്നത്. എറണാകുളത്ത് നിന്നും വിദഗ്ധ സംഘമെത്തി നിര്‍മാണ പ്രവര്‍ത്തനങ്ങള്‍ നടത്തുമെന്ന് അധികൃതര്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss