|    Jun 21 Thu, 2018 8:37 am
FLASH NEWS
Home   >  Todays Paper  >  Page 1  >  

പുതിയ പ്രോടെം സ്പീക്കര്‍ പക്ഷപാതത്തിന് പഴികേട്ടയാള്‍

Published : 19th May 2018 | Posted By: kasim kzm

ബംഗളൂരു: സുപ്രിംകോടതിയുടെ കടുത്ത നിരീക്ഷണമുണ്ടായിട്ടുപോലും പുതിയ പ്രോടെം സ്പീക്കറുടെ നിയമനത്തിലും കര്‍ണാടക ഗവര്‍ണര്‍ ബിജെപി താല്‍പര്യത്തിനു വഴങ്ങി. ബിജെപിയില്‍ നിന്നുള്ള വീരാജ്‌പേട്ട എംഎല്‍എ കെ ജെ ബൊപ്പയ്യയെ നിയമിക്കുക വഴി ഇന്നത്തെ വിശ്വാസ വോട്ടെടുപ്പില്‍ ഏറ്റുമുട്ടല്‍ മനോഭാവമാണ് ബിജെപി സഭയില്‍ സ്വീകരിക്കുകയെന്ന സന്ദേഹവും പുറത്തുവന്നു.
മുന്‍ സ്പീക്കറായ ബൊപ്പയ്യ യെദ്യൂരപ്പയുടെ വിശ്വസ്തനാണ്. 2011ല്‍ യെദ്യൂരപ്പ സര്‍ക്കാരിനെതിരേ ബിജെപിയില്‍ വിമതനീക്കമുണ്ടായപ്പോള്‍ പ്രോടെം സ്പീക്കറായിരുന്ന ബൊപ്പയ്യയുടെ നടപടി ഏറെ വിവാദമുണ്ടാക്കി. 16 എംഎല്‍എമാരെ സസ്‌പെന്‍ഡ് ചെയ്താണ് അന്നു ബൊപ്പയ്യ യെദ്യൂരപ്പ സര്‍ക്കാരിനെ നിലനിര്‍ത്തിയത്.
ഈ നടപടിയെ പിന്നീട് സുപ്രിംകോടതി രൂക്ഷമായി വിമര്‍ശിച്ചു. പ്രോടെം സ്പീക്കര്‍ പക്ഷപാതപരമായാണ് പെരുമാറിയതെന്ന് കണ്ടെത്തിയ സുപ്രിംകോടതി, എംഎല്‍എമാര്‍ക്കെതിരായ നടപടി റദ്ദാക്കിയിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss