|    Aug 16 Thu, 2018 10:10 am
Home   >  Todays Paper  >  page 7  >  

പീഡനത്തിനിരയായ 14കാരിക്ക് ഗര്‍ഭഛിദ്രത്തിന് കോടതി അനുമതി

Published : 6th May 2018 | Posted By: kasim kzm

ചെന്നൈ: ബലാല്‍സംഗത്തിനിരയായി ഗര്‍ഭിണിയായ 14കാരിക്ക് ഗര്‍ഭഛിദ്രത്തിനു കോടതി അനുമതി. അഞ്ചുമാസം മുമ്പ് പീഡനത്തിനിരയായ പെണ്‍കുട്ടിയെ ഗര്‍ഭഛിദ്രത്തിന് അനുവദിക്കണമെന്നാവശ്യപ്പെട്ട് ശിശുക്ഷേമ സമിതിയാണ് മദ്രാസ് ഹൈക്കോടതിയെ സമീപിച്ചത്.
ഹരജി പരിഗണിച്ച ജസ്റ്റിസ് ടി രാജ, പെണ്‍കുട്ടിയുടെ ആരോഗ്യത്തിനും ഭാവിജീവിതത്തിനും ഗര്‍ഭം തടസ്സമാണെന്നു നിരീക്ഷിച്ചു. പെണ്‍കുട്ടിയെ ഗര്‍ഭഛിദ്രത്തിനു വിധേയമാക്കാനും ഭ്രൂണം സംരക്ഷിക്കാനും ചെങ്കല്‍പേട്ട മെഡിക്കല്‍ കോളജിനോട് കോടതി നിര്‍ദേശിച്ചു. പീഡനത്തിനിരയായ പെണ്‍കുട്ടിക്കും അമ്മയ്ക്കും കൗണ്‍സലിങ് നല്‍കണമെന്നും കോടതി നിര്‍ദേശിച്ചു. പെണ്‍കുട്ടിയുടെ രക്ഷിതാക്കള്‍ പരാതിയുമായി കാഞ്ചീപുരം കലക്ടറെ സമീപിക്കുകയായിരുന്നു. കലക്ടറുടെ നിര്‍ദേശപ്രകാരമാണ് ശിശുക്ഷേമ സമിതി പരാതിയില്‍ നടപടി കൈക്കൊണ്ടത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss