|    Jul 28 Fri, 2017 12:21 am
FLASH NEWS

പീഡനക്കേസ് പ്രതിയെ പിടികൂടാനെത്തിയ പോലിസ് സംഘത്തിന് മര്‍ദ്ദനം

Published : 23rd November 2015 | Posted By: SMR

മാനന്തവാടി: പീഡനക്കേസ് പ്രതിയെ പിടികൂടാനെത്തിയ പോലിസ് സംഘത്തിന് മര്‍ദ്ദനം. പ്രതിയെ കോളനിവാസികള്‍ മോചിപ്പിച്ചു.
തിരുനെല്ലി നെടുന്തന കോളനിയില്‍ വച്ച് ഇന്നലെ വൈകീട്ട് ആറോടെയാണ് പുല്‍പ്പള്ളി എസ്‌ഐ അബാസ്, സിവില്‍ പോലിസ് ഓഫിസര്‍മാരായ വി എസ് അശോകന്‍, കെ സി വിജയന്‍, എം ഡി രവീന്ദ്രന്‍ എന്നിവര്‍ക്കു മര്‍ദ്ദനമേറ്റത്. 2014ല്‍ പുല്‍പ്പള്ളി മരക്കടവില്‍ പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ പ്രതിയായ കോളനിയിലെ ചന്ദ്രശേഖരനെ പിടികൂടാനെത്തിയതായിരുന്നു പോലിസ്.
നേരത്തെ അറസ്റ്റ് ചെയ്തു കോടതിയില്‍ ഹാജരാക്കിയ ഇയാള്‍ വിചാരണയ്ക്ക് എത്താത്തതിനെ തുടര്‍ന്നു വാറണ്ട് പുറപ്പെടുവിക്കുകയായിരുന്നു. പ്രതി സ്ഥലത്തില്ലെന്നായിരുന്നു കോളനിയിലെത്തിയ പോലിസുകാരോട് വീട്ടുകാര്‍ പറഞ്ഞത്. തുടര്‍ന്നു നടത്തിയ പരിശോധനയില്‍ ചന്ദ്രശേഖരനെ വീട്ടിനുള്ളില്‍ കണ്ടെത്തുകയും കസ്റ്റഡിയിലെടുക്കുകയുമായിരുന്നു. ഇതോടെ കോളനിയിലെ ഏതാനും പേര്‍ സംഘടിച്ചു പോലിസുകാരെയും ജീപ്പിലുണ്ടായിരുന്ന എസ്‌ഐയും മര്‍ദ്ദിച്ച ശേഷം പ്രതിയെ രക്ഷപ്പെടുത്തി. പരിക്കേറ്റ പോലിസുകാര്‍ മാനന്തവാടി ജില്ലാ ആശുപത്രിയില്‍ ചികില്‍സയിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക